USD 431.41 EUR 452.94
RUB 6.92 CNY 63.83
جاڭالىقتار

قازاق وقۋشىسى ۇلى بريتانيا پاتشايىمىنان حات الدى

6 قازان 11:55
:ءبولىسۋ
قازاق وقۋشىسى ۇلى بريتانيا پاتشايىمىنان حات الدى

پاۆلودار. قازاقپارات - حيميا- بيولوگيا باعىتىنداعى نازاربايەۆ زياتكەرلىك مەكتەبىنىڭ 11 «D» سىنىپ وقۋشىسى يسلام سۇلەيمەنگە ۇلى بريتانيا پاتشايىمى II ەليزاۆەتادان حات كەلدى، دەپ حابارلايدى pavlodarnews.kz.

بۇل تۋرالى وقۋ ورنىنىڭ باسپا ءسوز قىزمەتى ءمالىم ەتتى. يسلام ءوز حاتىندا الدىمەن پاتشايىمنىڭ الەمدىك ساياساتتا الار ورنى مەن قوسقان ۇلەسى جونىندە جازعان. بۇدان كەيىن پاتشايىمنىڭ نەمەرەسى گارري حانزادا مەن مەگان ماركلدىڭ شاڭىراق كوتەرۋىمەن جانە شوبەرەسى لۋيدىڭ دۇنيەگە كەلۋىمەن قۇتتىقتاپ، ءوز تىلەگىن بىلدىرگەن. ونىڭ بۇل حاتتى جازۋىنا بالا كەزىنەن ۇلى بريتانيا ەلىنىڭ تاريحىنا دەگەن قىزىعۋشىلىعى سەبەپ بولعان. سوندىقتان بار ويىن جيناقتاپ، اق قاعازدىڭ بەتىنە ءتۇسىرۋدى ءجون كورگەن.

«بريتاندىقتاردىڭ عاسىرلارعا سوزىلعان تاريxى، مادەنيەتى مەن ءتىلى ءارقاشان باۋراپ الاتىن. اسىرەسە، زاماناۋي عاسىردا مونارحيالىق بيلىكتى ءالى دە ساقتاپ قالىپ، داستۇرلەرىن جالعاستىرۋىن ەرەكشە اتاپ وتۋگە بولادى. سوڭىندا بەلگىلى تۇلعاعا دەگەن ىزگى نيەتىمدى جەتكىزىپ، حاتتى راسىمدەۋگە كىرىستىم. ۇستازىم بۇل جۇمىسىمدى وڭ باعالاپ، «قازپوشتا» ارقىلى جىبەردىم»، - دەيدى ول.

ءبىر اپتا ۋاقىتتىڭ ىشىندە كەلگەن حاتتىڭ جاۋابىندا پاتشايىم يسلامعا قۇتتىقتاۋى ءۇشىن العىس بىلدىرگەن.

«دەرەكتەرگە سۇيەنسەك، بۋكينگەم سارايىنا الەمنىڭ ءار جەرىنەن كۇنىنە 300-دەن استام حات كەلەدى ەكەن. سونىڭ ىشىندە مەنىڭ جازبامنىڭ قاراۋسىز قالماعانى ءوزىمدى ەرەكشە قۋانتتى ءارى تاڭ قالدىردى. شىنى كەرەك، لوندوننان رەسمي جاۋاپتى مۇلدەم كۇتپەگەن ەدىم. قۋانىشىمدا شەك جوق»، - دەيدى يسلام سۇلەيمەن.

جاس ءوسپىرىم ساباقتان تىس ۋاقىتىندا ماقالا جازىپ، جۋرناليستيكا ۇيىرمەسىنە قاتىسادى جانە تۋريزم سالاسىنا قاتىستى عىلىمي جوبالار جازۋمەن اينالىسادى. «XV ساتبايەۆ وقۋلارى» حالىقارالىق عىلىمي- پراكتيكالىق كونفەرەنتسياسىنىڭ 1 -دارەجەلى ديپلوم يەگەرى، «جاس مەديا» تۇڭعىش رەسپۋبليكالىق جاس جۋرناليستەر پرەمياسىنىڭ لاۋرەاتى. بولاشاقتا لوندوننىڭ جوعارى وقۋ ورنىندا ءبىلىم الۋدى ارماندايدى.


:ءبولىسۋ

اأتور:

novasa

سونداي-اق... وقىڭىز
پئكئر قالدئرؤ
+7
جئبةرؤ

مۇراعات