USD 433.3 EUR 464.19
RUB 6.48 CNY 64.56
جاڭالىقتار

استانالىق باسشىلار بىرنەشە ساعاتقا قايتادان وقۋشى اتاندى

8 قازان 10:38
:ءبولىسۋ
استانالىق باسشىلار بىرنەشە ساعاتقا قايتادان وقۋشى اتاندى

استانا. قازاقپارات - №1 -مەكتەپ-ليتسەيدە ەرەكشە ساباق ءوتتى، دەپ حابارلايدى قازاقپارات استانا قالاسى اكىمدىگىنىڭ رەسمي سايتىنا سىلتەمە جاساپ.

ەلوردا اكىمدىگىنىڭ باسشىلارى ماڭىزدى كەڭەس ورنىنا مەكتەپ ساباعىنا، رەسمي قۇجاتتار ورنىنا قولدارىنا جازبا داپتەر الدى. ال ولارعا ءبىلىمدى جوعارى سىنىپ وقۋشىلارى بەردى. ساباق ادەتتەگى كەستە بويىنشا 8:30-دا باستالدى جانە ءبىرىنشى ساباق تاقىرىبى «مەنىڭ العاشقى ۇستازىم» تاقىرىبىنا شىعارما جازۋ.

«بۇل ساباققا قۋانىشپەن باردىم جانە بالالىق شاعىما ساياحات جاسادىم. مەن سەلينوگراد قالاسىندا 11 جىلدىق مەكتەپتى ءتامامدادىم. ماعان باستاۋىش سىنىپتاعى كەزىمدى ەسكە الۋ وتە قىزىقتى، مەنىڭ العاشقى ۇستازىم گالينا ساۆەليەۆا. وتە مەيرىمدى جان جانە ءوز ءىسىنىڭ شەبەرى. اتتەڭ العاشقى جازعان شىعارمامدى بىلمەيمىن. ءبىراق جازعان شىعارمالارىم جىل سايىن سىنىپتان سىنىپقا كوشىپ ءجۇردى، بىردە ءوزىمنىڭ شىعارمالارىم جازىلعان داپتەرىمدى وزىمنەن 5 جاس كىشى قارىنداسىمنىڭ قولىنان كوردىم. ال ول داپتەردى قارىنداسىما مەكتەپتەگى قۇربىسى بەرىپتى»، - دەپ ءوز ويىمەن ءبولىستى ءماسليحات دەپۋتاتى ميراس شەكەنوۆ ساباقتان سوڭ.

سونداي-اق، پارتاعا وتىرعان وقۋشىلار قاتارىندا ءبىلىم باسقارماسىنىڭ باسشىسى ءانۋار جانعوزين، مادەنيەت جانە سپورت باسقارماسىنىڭ باسشىسى بولات ماجاعۇلوۆ، مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ استانا قالاسى بويىنشا دەپارتامەنتىنىڭ باسشىسى جازيرا جىلقىشيەۆا، «iKomek» ورتالىعىنىڭ جەتەكشىسى جاننات دۋبيروۆا، «استانا كونۆەنشن بيۋرو» ديرەكتورى سانيار ايتەكەنوۆ بار.

«مەن ءۇشىن بۇل قىزىقتى جانە ۇلكەن تاجىريبە بولدى. بارلىق تاپسىرما ۇقىپتىلىققا قۇرىلدى، سوڭىندا ءبىز العاشقى ۇستاز، سۇيىكتى پەداگوگ تۋرالى شىعارما جازدىق. دەپۋتاتتار مەن باسقارما باسشىلارىمەن تانىسۋعا مۇمكىندىك تۋدى. مۇندا ەش قوبالجىمادىم، الدىمدا جاي عانا وقۋشىلار وتىر دەدىم، ولار دا وقۋشى بولعان، ولار دا ءبىز سياقتى پارتادا وتىرعان، وزدەرىنىڭ سۇيىكتى ۇستازى مەن جاقسى كورەتىن ءپانى بولعان جانە ءارقايسىسى مەكتەپ تابالدىرىعىن اتتاپ تۇلەپ ۇشقان. جىلىنا ءبىر رەت ورىندارىمىزدى الماستىرۋعا بولادى»، - دەيدى ءبىر كۇندىك ۇستاز ايبول قۇبايەۆ.

ايتا كەتەيىك، بۇل باستاما ءبىلىم باسقارماسىنىڭ باستاماسىمەن العاش رەت ءوتىپ وتىر.

«وسى ىسكە قولداۋ بىلدىرگەن ارىپتەستەرىمە ۇلكەن راحمەت. وسى جازىلعان شىعارمالار ءبىزدىڭ جولىمىز مەكتەپتەن باستالعانىنىڭ بەلگىسى رەتىندە مەكتەپ قابىرعاسىندا قالادى»، - دەدى ءبىلىم باسقارماسىنىڭ باسشىسى ءانۋار جانعوزين.


:ءبولىسۋ

اأتور:

novasa

سونداي-اق... وقىڭىز
پئكئر قالدئرؤ
+7
جئبةرؤ

مۇراعات