22:02, 05 - قازان 2018 | GMT +6
سولتۇستىك قازاقستاندا مەملەكەتتىك قىزمەت مەكتەبى اشىلدى
پەتروپاۆل. قازاقپارات - م. قوزىبايەۆ اتىنداعى سولتۇستىك قازاقستان مەملەكەتتىك ۋنيۆەرسيتەتىندە مەملەكەتتىك قىزمەت مەكتەبى اشىلدى، دەپ حابارلايدى «قازاقپارات» ح ا ا ءتىلشىسى.
مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل دەپارتامەنتىنىڭ اقپاراتىنشا، بۇل جوبا ءۇشىنشى رەت ىسكە اسىرىلىپ وتىر. ونىڭ ماقساتى - مەملەكەتتىك قىزمەتكە كەلەتىن كانديداتتاردى دايارلاۋ.
«ءتۇرلى فاكۋلتەتتەردىڭ ءبىتىرۋشى كۋرسىندا ءبىلىم الىپ جۇرگەن 20-دان استام ستۋدەنت بۇل مەكتەپتە ءبىلىم الۋعا نيەت ءبىلدىردى. تەستىلەۋ قورىتىندىلارى بويىنشا، وعان بولاشاق ماماندىعىن تاڭداعان 11 ستۋدەنت الىندى»، - دەپ باياندادى باسپا ءسوز قىزمەتىنەن.
وقۋعا ق ر مەملەكەتتىك باسقارۋ جانە زاڭناما نەگىزدەرى ەنگىزىلدى. كۋرستار مەملەكەتتىك باسقارۋ اكادەمياسى فيليالىنىڭ وقىتۋشى قۇرامى، وبلىستاعى مەملەكەتتىك ورگان وكىلدەرىنىڭ قاتىسۋىمەن وتكىزىلەدى.