مەديتسينا ءۇشىن مەملەكەتتىك قولداۋ وتە ماڭىزدى - دارىگەر
«نۇرسۇلتان نازاربايەۆتىڭ ءسوزىن اسا ۇلكەن ىقىلاسپەن تىڭدادىق. ءبىز ءۇشىن ەڭ قۋانىشتى جايت - «بجك-2020» باعدارلاماسىنىڭ 2025 -جىلعا دەيىن سوزىلاتىنى بولىپ وتىر. وسىنىڭ ارقاسىندا مەديتسينا سالاسىنا ينۆەستيتسيا سالۋ قارقىن الماق. اۋىل شارۋاشىلىعى، مەديتسينا سالاسىنا مەملەكەتتىك قولداۋ وتە ماڭىزدى»، - دەدى ا. شالبايەۆا.
دارىگەر ەلباسىنىڭ جولداۋىندا ىشكى تۋريزمدى دامىتۋ ماسەلەسى كوتەرىلگەنىن ايتتى.
«استانا مەن الماتىدا كوپ كلينيكالار ادامدارعا ساپالى مەديتسينالىق قىزمەت سپەكترىن ۇسىنادى. ءبىز سىرتقى مەديتسينالىق ءتۋريزمدى قىسقارتىپ، ادامداردىڭ بىزگە كەلىپ ەمدەلۋىنە جاعداي جاساۋىمىز كەرەك. مەملەكەت باسشىسى ايتقانداي، مەديتسينالىق كومەكتىڭ ساپالىلىعى مەن قول جەتىمدىلىگى - ادامنىڭ الەۋمەتتىك جاعدايىن كورسەتەتىن ينديكاتور. بۇل سالا بىزدە ءالى دامىپ كەلەدى. الايدا، ءقازىردىڭ وزىندە شەتەلدىكتەر تاراپىنان سۇرانىسقا يە قىزمەت تۇرلەرى كوپ. الماتىعا كوبىنە ايەلدەر بوسانۋعا، ەكۇ جاساۋعا كەلەتىنى راس»، - دەدى مامان.
دارىگەرلەر جالاقى كوتەرىلەتىنى جايلى جاڭالىقتى قۋانا قارسى الدى.
«ءبىزدى مەملەكەتتىك مەكەمەلەردە جالاقىنىڭ كوتەرىلەتىنى جايلى جاڭالىق قۋانتىپ وتىر. بۇل، ءسوز جوق، دارىگەرلەر جۇمىسىنىڭ تيىمدىلىگىن ارتتىرماق. ەڭ باستىسى مەديتسيناعا بولىنەتىن جەرگىلىكتى بيۋدجەت ءجىو 10 پايىزىنا دەيىن جەتەدى»، - دەدى ول.
ايتا كەتۋ كەرەك، بۇگىن پرەزيدەنت نۇرسۇلتان نازاربايەۆ اقوردادا قازاقستان حالقىنا جولداۋىن جاريا ەتتى.
ستراتەگيالىق قۇجات ەلىمىزدىڭ الەۋمەتتىك- ەكونوميكالىق دامۋىنىڭ وزەكتى ماسەلەلەرىنە جانە قازاقستاندىقتاردىڭ ءال- اۋقاتىن ودان ءارى ارتتىرۋ مىندەتتەرىنە ارنالعان.