USD 435.1 EUR 493.27
RUB 5.69 CNY 68.63
جاڭالىقتار

زەلانديا نەگە جاڭا دەپ اتالادى؟

6 قازان 02:13
:ءبولىسۋ
زەلانديا نەگە جاڭا دەپ اتالادى؟

استانا. قازاقپارات - جاڭا زەلانديانىڭ اتى نيدەرلاند پاتشالىعىنىڭ Zeeland پروۆينسياسىمەن بايلانىستى.

XVII عاسىردا زەرتتەۋشى ابەل تاسمان باستاعان نيدەرلاند كەمەلەرى قازىر جاڭا زەلانديا ورنالاسقان وڭتۇستىك ارالعا جەتتى. بەلگىسىز ارالدى كارتوگرافتار Zeeland (تەڭىز ەلى) دەپ بەلگىلەپ قويادى. كەيىن شاتاسپاس ءۇشىن قاسىنا nieuw ءسوزىن قوسادى.

وسىلايشا Nieuw Zeland پايدا بولدى. 100 جىل بويى بۇل مەكەن ەشكىمدى قىزىقتىرمادى. تەك 1769 -جىلى بريتان ساياحاتشىسى دجەيمس كۋك وڭتۇستىك ارالعا ساپار شەگىپ، اسا مۇقيات زەرتتەپ، ارالدىڭ پەريمەترىن انىقتايدى. كوبى بۇل ەڭبەكتى ەسكەرىپ، جاڭا زەلانديانى تاسمان ەمەس، دجەيمس كۋك اشقان دەپ سەندىرەدى.

ايتپاقشى، ارالدى زەرتتەپ قانا قويماي، وعان قازىرگى اعىلشىن نۇسقاسىنداعى "New Zealand" اتاۋىن بەرگەن ءدال وسى كۋك ەدى. بۇل امەريكا قۇرلىعىنا قاتىستى امەريگو ۆەسپۋچي مەن كريستوفور كولۋمبتىڭ جاعدايلارىنا ۇقساس.



ارحيپەلاگتىڭ ماوري دەگەن بايىرعى تۇرعىندارى ءوز مەكەندەرىن Aotearoa دەپ اتاعان. اوتەاروا «ۇزىن اپپاق بۇلتتاردىڭ ەلى» دەگەن ماعىنانى بىلدىرەدى ەكەن. كەي اڭىزداردا ايتىلعانداي اوتەاروا - بۇل ارالعا شەتتەن العاش كەلگەن ادامنىڭ قايىعى.



قازىر جاڭا زەلانديادا ماوري - رەسمي ءۇش ءتىلدىڭ ءبىرى. ءتىپتى ۇلتتىق گيمننىڭ ءبىرىنشى شۋماعى وسى تىلدە ايتىلادى. ال اوتەاروا اتاۋى ەل اۋزىنان تۇسپەي كەلەدى. ونىڭ كەلەشەكتە ەلدىڭ رەسمي اتى بولۋى ىقتيمال، ال جاڭا زەلانديا زەرتتەۋشى-ساياحاتشىلاردىڭ قۇرمەتىنە تاريحتىڭ ءبىر بەتىندە ساقتالماق.

Massaget.kz


#الةم  
:ءبولىسۋ

اأتور:

novasa

سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات