ايەلدەر ەرلەرگە قاراعاندا نەگە ۇزاق ءومىر سۇرەدى؟
سەبەبى ستاتيستيكا بويىنشا ايەلدەر ەرلەردەن ۇزاق ءومىر سۇرەدى.
بۇل ءبىزدىڭ ەلىمىزدە دە بايقالادى. الەمنىڭ كوپتەگەن ەلدەرىندە ايەلدەردىڭ ورتاشا جاس مولشەرى ەرلەردىكىنەن جوعارى. قازاقستاندا دا ستاتيستيكا بويىنشا ەرلەردىڭ ورتاشا ءومىر ءسۇرۋ جاسى - 67، ايەلدەردىڭ ورتاشا جاسى شامامەن - 72 جاس. جاقىندا كاليفورنيا ۋنيۆەرسيتەتىنىڭ عالىمدارى ورتاشا جاس مولشەرىنە بايلانىستى سۇراققا جاۋاپ ىزدەپ كورىپتى. زەرتتەي كەلە ايەلدەردىڭ ۇزاق ءومىر ءسۇرۋ سەبەبى ەستروگەن گورمونىنا بايلانىستى دەگەن تۇجىرىمعا كەلگەن. ايەلدەردەگى بۇل گورمون جاسۋشالاردىڭ قارتايۋىن تەجەيدى.
سونداي-اق حروموسوماداعى گەنەتيكالىق اقپارات بويىنشا ايەلدەردىڭ دەنە جاسۋشالارى ەرلەردىكىنە قاراعاندا باياۋ قارتايادى ەكەن.
«ەستروگەن ادام اعزاسىن قالىپتى ساقتاۋىنا، فەرمەنتتەردىڭ بەلسەندى جۇمىس جاساۋىنا كوپ كومەگىن تيگىزەدى. بۇل گورموننىڭ اعزادا كوبىرەك ءبولىنۋى جۇرەك- قان تامىرلارى اۋرۋلارىنا شالدىقتىرمايدى. ودان وزگە سۇيەكتىڭ قالىپتى دامۋىنا دا زور كومەگى بار»، - دەيدى زەرتتەۋشى عالىمدار.
كاليفورنيا ۋنيۆەرسيتەتىنىڭ ماماندارى ەرلەردىڭ ايەلدەردەن از ءومىر ءسۇرۋىنىڭ تاعى ءبىر فاكتورى رەتىندە تەمەكى مەن الكوگولدى ىشىمدىكتەردى اتاعان.