بەيبىتشىلىك بويىنشا نوبەل سىيلىعى كىمگە بەرىلگەنى انىقتالدى

 استانا. قازاقپارات - 2018 -جىلى نوبەل سىيلىعىنىڭ بەيبىتشىلىك پرەمياسى دەنيس مۋكۆە مەن ناديا مۋرادقا سەكسۋالدىق زورلىققا قارسى كۇرەس جۇمىستارى ءۇشىن بەرىلدى، - دەپ حابارلايدى Tengrinews.kz ءتىلشىسى.

ريا نوۆوستي مالىمەتىنشە، بۇل تۋرالى وسلو قالاسىندا نورۆەگيالىق نوبەل كوميتەتى مالىمدەگەن. بيىل وسى پرەمياعا 329 ۇمىتكەر بولدى، ونىڭ 112 ى قوعامدىق جانە حالىقارالىق ۇيىمدار. بەيبىتشىلىك پرەمياسى - 19 -عاسىردىڭ سوڭىندا الفرەد نوبەلدىڭ بەس سىيلىعىنىڭ بىرەۋى.
ماراپاتتاۋ ءراسىمى ءداستۇرلى تۇردە 10 -جەلتوقساندا وسلو قالاسىندا وتەدى. ءدال وسى كۇنى نوبەل سىيلىعىنىڭ قۇرىلتايشىسى شۆەتسيالىق كاسىپكەر ءارى ويلاپ تاپقىش الفرەد نوبەل (1833-1896) قايتىس بولعان ەدى. 2018 -جىلى نوبەل سىيلىعىنىڭ يەلەنگەن ءار جەڭىمپازعا 9 ميلليون شۆەتسيالىق كرون (ءبىر ميلليون دوللار) بەرىلەدى.

Kaz.tengrinews.kz