جولداۋدا ءار سالانىڭ وزەكتى پروبلەمالارى قوزعالدى- باۋبەك سومجۇرەك

استانا. قازاقپارات - جاڭا جولداۋدىڭ حالىق ءۇشىن ماڭىزدىلىعىنا قاتىستى ل. گۋميلەۆ اتىنداعى ە ۇ ۋ رەكتورىنىڭ حالىقارالىق بايلانىستار جانە يننوۆاتسيا جونىندەگى ورىنباسارى باۋبەك سومجۇرەك پىكىر ءبىلدىردى، دەپ حابارلايدى قازاقپارات ءتىلشىسى.

«ەلباسى جولداۋىندا ەلىمىز بويىنشا ءار سالانىڭ كۇردەلى پروبلەمالارى قوزعالدى. ءوزىم ءۇشىن ماڭىزدىسى قۇجاتتا الەۋمەتتىك ماسەلەلەردىڭ جارقىن كورىنىس تابۋى. ياعني 2019 -جىلدىڭ 1 -قاڭتارىنان باستاپ بيۋدجەت قىزمەتكەرلەرىنىڭ جالاقىسى 1,5 ەسەگە ارتادى. ءبىز ءبارىمىز بىلەمىز سالىستىرمالى تۇردە شەتەلدەردە ۇستازدار، وقىتۋشىلار، پوليتسيا قىزمەتكەرلەرى مەن دارىگەرلەر جوعارى دەڭگەيدە جالاقى الادى جانە ولارعا وزگەلەرمەن سالىستىرعاندا الدەقايدا جاقسى جاعداي جاسالعان. مىنە، ءبىز دە وسى ماقساتتى كوزدەيمىز»، - دەدى ل. گۋميلەۆ اتىنداعى ە ۇ ۋ-نىڭ حالىقارالىق بايلانىستار جانە يننوۆاتسيا جونىندەگى پرورەكتورى باۋبەك سومجۇرەك.

ودان بولەك پرورەكتور 2019-2021 -جىلدارى ءۇش اۋىسىمدا مەكتەپتەر جانە مەكتەپ جەتىسپەۋشىلىگىن جويۋعا 50 ميلليارد تەڭگە بولىنەتىنىن ەرەكشە اتاپ ءوتتى. بۇل ءبىلىم سالاسىنداعى وزەكتى ماسەلەلەر شەشىلەدى دەگەن ءسوز.

ونىڭ ايتۋىنشا، جوعارى ءبىلىم الۋدا ورتا ءبىلىم نەگىزگى تىرەك ەكەنى انىق. سونىمەن قاتار پەداگوگتاردىڭ مارتەبەسىنە قاتىستى ارنايى زاڭ جوباسىنىڭ ازىرلەنەتىنى ەرەكشە قۋانتاتىنىن ايتتى.

ايتا كەتەيىك، پرەزيدەنت جولداۋىندا 2019 -جىلى پەداگوگتاردىڭ مارتەبەسى تۋرالى زاڭ قابىلداۋ قاجەتتىگىن ايتقان بولاتىن.

بۇعان دەيىن حابارلاعانىمىزداي استاناداعى ل. گۋميلەۆ اتىنداعى ە ۇ ۋ- ى ۇجىمى مەن ستۋدەنتتەرى ەلباسىنىڭ جولداۋىن تىكەلەي ونلاين تۇردە تىڭدادى.