مىرزاعالي ايتجانوۆ: سپورتقا كوڭىل ءبولۋ - ەلدىڭ ابىرويىنا نازار سالۋ دەگەن ءسوز

None
None
تۇركىستان. قازاقپارات - پرەزيدەنت نۇرسۇلتان نازاربايەۆ حالىققا ارناعان جولداۋىندا سپورتتىڭ دامۋىنا ەرەكشە كوڭىل ءبولۋ كەرەكتىگىن اتاپ ءوتتى.

وسى باعىتتا 100 سپورت كەشەنىن تۇرعىزۋ جونىندە تاپسىرما جۇكتەدى، دەپ حابارلايدى قازاقپارات ءتىلشىسى.

بوكستان قازاقستان ۇلتتىق قۇراماسىنىڭ باس باپكەرى مىرزاعالي ايتجانوۆ ەلباسىنىڭ كەزەكتى جولداۋدا بۇقارالىق سپورتتى دامىتۋ ماسەلەسىن كوتەرگەنىن ۇلت ساۋلىعىنىڭ كەپىلى دەپ بىلەدى.

«كۇنى كەشە عانا تۇركىستانعا ساپارىندا ەلباسى ەلىمىزدەگى ەڭ مىقتى كاسىپكەرلەرگە جاڭا نىساندار سالۋدى تاپسىردى. سونىڭ ىشىندە 10 مىڭ ادامدىق زاماناۋي ستاديون، سۋ كەشەنى، اۋلا كلۋبتارى بار. ال، سپورت - الەمدىك ارەنادا ەل ابىرويىن اسقاقتاتىپ، ەلدىڭ، ۇلتتىڭ اتىن شىعاراتىن بىردەن ءبىر سالا. سپورتقا كوڭىل ءبولۋ - ەلدىڭ ابىرويىنا نازار سالۋ دەگەن ءسوز. ال، ەلىمىزدىڭ بەدەلىن كوتەرەتىن سپورتشىلار قايدان شىقپاق؟ ارينە، ونداي جاستار جەر- جەرلەردەگى سپورت زالداردان، جاتتىعۋ كەشەندەرىنەن شىعادى. مۇنى ەلباسىمىز دا جاقسى تۇسىنەدى»، - دەيدى ۇلتتىق قۇرامانىڭ باس باپكەرى.

ونىڭ پىكىرىنشە، ەلباسىنىڭ سپورت كەشەندەرىن سالۋ مەن ولاردى قاراپايىم حالىق اراسىندا قولجەتىمدى ەتۋ جونىندەگى ۇسىنىسى ەل اراسىندا سپورتتىڭ دامۋىنا سەپتىگىن تيگىزەدى.

«پرەزيدەنتىمىز ءوز سوزىندە سپورت كەشەندەرىنە كىرۋ ءۇشىن وقۋشىلارعا جەڭىلدىك جاساۋ كەرەكتىگىنە توقتالدى. بۇل ءوز كەزەگىندە بۇقارالىق سپورتتىڭ دامۋىنا، وسى سالانىڭ جالپىحالىقتىق سيپاتقا يە بولۋىنا وڭ ىقپال ەتپەك»، - دەيدى مىرزاعالي ايتجانوۆ.

 

 

سوڭعى جاڭالىقتار