گۇلميرا اشىربەكوۆا: ەندىگى مىندەت - تابىستى ەلگە اينالۋ

قىزىلوردا. قازاقپارات - مەملەكەت باسشىسى نۇرسۇلتان نازاربايەۆتىڭ بۇگىنگى جولداۋىندا ەل ومىرىندەگى وزەكتى ماسەلەلەر قامتىلدى.

اتاپ ايتقاندا، ءبىلىم، عىلىم، دەنساۋلىق ساقتاۋ سالالارىنىڭ قىزمەت كورسەتۋ ساپاسىن جاقسارتۋ، كاسىبي بىلىكتى ماماندارمەن قامتاماسىز ەتۋ مىندەتتەرىنە نازار اۋدارىلدى. وبلىستىق «رۋحاني جاڭعىرۋ» ورتالىعىنىڭ ءبولىم باسشىسى، فيلولوگيا عىلىمدارىنىڭ كانديداتى گۇلميرا اشىربەكوۆانىڭ ايتۋىنشا، ەندىگى كەزەكتە ساننان ساپاعا، سوزدەن ىسكە كوشەتىن ۋاقىت كەلدى.

«ەلباسى نۇرسۇلتان نازاربايەۆتىڭ قازاقستان حالقىنا ءداستۇرلى جولداۋى بۇعان دەيىنگى مەملەكەتتىك باعدارلامالاردى ودان ءارى دامىتۋدى كوزدەيدى. وسى ۋاقىتقا دەيىن جۇزەگە اسىرىلعان «نۇرلى جول»، «نۇرلى جەر»، «جول كارتاسى-2020» ، «رۋحاني جاڭعىرۋ»، «پرەزيدەنتتىڭ بەس الەۋمەتتىك باستاماسى» جانە ت. ب. مەملەكەتتىك باعدارلامالار از ۋاقىتتىڭ ىشىندە ءوز ناتيجەسىن بەردى. ەندىگى مىندەت - تابىستى ەلگە اينالۋ»، - دەدى گ. اشىربەكوۆا.

سونداي-اق، ول مەكتەپكە دەيىنگى ءبىلىم بەرۋ، ورتا ءبىلىمنىڭ ساپاسىن جاقسارتۋ، جوو بىتىرۋشىلەرىنىڭ جۇمىسقا ورنالاسۋىنا بايلانىستى كورسەتكىشتەردى ايقىنداۋ ناقتى ناتيجەگە جەتۋگە مۇمكىندىك بەرەتىنىن تىلگە تيەك ەتتى.

«كاسىپكەرلىكتى قولداۋ، اگرارلىق سەكتور مەن جەڭىل ونەركاسىپتى جەتىلدىرۋ مەملەكەتتىڭ باسەكەگە قابىلەتىن ارتتىرادى. ەلىمىزدە جۇزەگە اسىرىلىپ جاتقان رەفورمالار مەن ستراتەگيالىق قۇجاتتاردىڭ ورىندالۋ بارىسى مەن ناتيجەسىنە ۇلتتىق جاڭعىرۋ ءوفيسى مونيتورينگ جاساپ وتىرادى. ساننان ساپاعا، سوزدەن ىسكە كوشەتىن ۋاقىت كەلدى. ءبىر سوزبەن ايتقاندا، مەملەكەتتىك قىزمەتكەردەن باستاپ ءاربىر ازامات ەلدىڭ دامۋىنا ساپالى قىزمەت كورسەتسە، ناعىز تابىستى مەملەكەتكە اينالارىمىز ءسوزسىز»، - دەدى ول.