جالاقى كوتەرىلسە، ونىڭ مىندەتتى تۇردە قايتارىمى بولادى - نۇر وتان وكىلدەرى

None
None
الماتى. قازاقپارات - «نۇر وتان» الماتى قالالىق فيليالىنىڭ ءتوراعاسىنىڭ ءبىرىنشى ورىنباسارى ستانيسلاۆ كانكۋروۆ مەملەكەت باسشىسىنىڭ جاڭا جولداۋى ساياساتتىڭ الەۋمەتتىك باعىتقا بەت بۇرعانىن كورسەتەتىندىگىن ايتتى، دەپ حابارلايدى قازاقپارات ءتىلشىسى.

«مەملەكەت باسشىسىنىڭ جولداۋى قازىرگى تاڭدا جۇرگىزىلىپ وتىرعان ساياساتتىڭ الەۋمەتتىك سالاعا باعىتتالعاندىعىنىڭ تاعى ءبىر دالەلى بولسا كەرەك. ماسەلەن، ەندى ەڭ تومەنگى جالاقى مولشەرى 1,5 ەسە ارتادى. بۇل جوبا ءبىر ميلليون ءۇش ءجۇز مىڭنان استام قازاقستاندىقتى قامتيدى. ەڭ الدىمەن، مۇعالىمدەر، دارىگەرلەر، جالپى ورتا تاپتىڭ جالاقىسى كوتەرىلەدى. مەنىڭشە، بۇل ەكونوميكاعا ۇلكەن ۇلەس قوسىپ، مۋلتيپليكاتيۆتى ناتيجە بەرەدى. ويتكەنى ورتا تاپ وكىلدەرى قازاقستاندىق تاۋارلاردى تۇتىنادى. ال قارجى مەملەكەت ىشىندە اينالادى»، - دەيدى س. كانكۋروۆ.

سونداي-اق، ونىڭ ايتۋىنشا، مەملەكەت باسشىسى كۇشەيتۋدى تالاپ ەتەتىن بىرنەشە سالانى اتاپ ءوتتى.

«مۇعالىمدەرگە ايرىقشا كوڭىل ءبولۋ ماڭىزدى. ويتكەنى ولار ءبىزدىڭ ازاماتتاردى دايىندايدى. تيىسىنشە، الماتىلىق مۇعالىمدەر ۇزاق كۇتكەن جەكە مارتەبە بەرۋ ماسەلەسى شەشىلمەك. قازىر حالىقتىڭ جولداۋعا قاتىستى سۇراقتارى تولاسسىز كەلىپ جاتىر»، - دەپ ءتۇسىندىردى ول.

ەستەرىڭىزگە سالا كەتەيىك، نۇرسۇلتان نازاربايەۆ بيىلعى قازاقستان حالقىنا جولداۋىندا ەڭ تومەنگى جالاقى دەڭگەيىن كوتەرۋدى تاپسىردى.

 

سوڭعى جاڭالىقتار