پرەزيدەنتتىڭ «جاستار جىلىن» جاريالاۋ تۋرالى ۇسىنىسىنىڭ ءمانى تەرەڭ - عابيت تۇرسىنباي
حاتشىلىق مەڭگەرۋشىنىڭ پىكىرىنشە، نۇرسۇلتان نازاربايەۆ كەلەر جىلدى «جاستار جىلى» دەپ ۇسىنۋىنىڭ ءمانى تەرەڭدە جاتىر، - دەپ حابارلايدى قازاقپارات ءتىلشىسى.
«بۇگىنگى جاستار ەرتەڭگى ەلدىڭ، جەردىڭ يەلەرى. سوندىقتان ەلباسىمىز كەلەر جىلدى «جاستار جىلى» دەپ جاريالاۋدى ۇسىنۋى بەكەردەن بەكەر ەمەس. تاۋەلسىزدىك جىلىندا دۇنيەگە كەلگەن، جاڭاشا ويلايتىن ۇرپاق وسى ەلگە- جەرگە يەلىك ەتۋدە ۇرپاقتار ساباقتاستىعىن ۇمىتپاۋ كەرەك. ءبىز ەلىمىزدى، جەرىمىزدى وسى جاستارعا سەنىپ تاپسىرامىز، سەبەبى جاستار ءبىزدىڭ بولاشاعىمىز. سول سەبەپتى بۇل ماسەلەنى تەرەڭنەن قوزعاپ، كوتەرىپ وتىر»، - دەدى ع. تۇرسىنباي.
دەمەك، قازاقستان حالقى اسسامبلەياسىنىڭ الماتى وبلىسى بويىنشا وكىلدىگى ءتوراعاسىنىڭ ورىنباسارى بۇل باعىت بويىنشا ءبىرىنشى كەزەكتە جاستاردىڭ پاتريوتتىق سەزىمىن، ەلگە- جەرگە دەگەن سۇيىسپەنشىلىگىن ارتتىرۋ كەرەك دەپ ەسەپتەيدى.
«سەبەبى جاقسى ءبىلىم الۋعا بولادى. ءبىلىمدى جان-جاقتى، بىرنەشە ءتىلدى ۇيرەنۋگە بولادى. ءبىراق تۋعان ەلدىڭ، جەردىڭ پاتريوتى بولمايىنشا ءوزىنىڭ ەلىنە، جەرىنە قىزمەت ەتە المايدى. تەك جەكە باسىنىڭ مۇددەسى ءۇشىن عانا قىزمەت ەتەتىن ادامدار بولۋى مۇمكىن. بىزگە وسى مەملەكەتىمىزدى، تاۋەلسىزدىگىمىزدى باياندى ەتەتىن، ۇلى دالانىڭ سالت-ءداستۇرىن جالعاستىرىپ، كەلەشەك ۇرپاققا جەتكىزەتىن ەلىم، جەرىم دەگەن جاستار قاجەت. جاستارمەن وسى باعىتتا جۇمىس ىستەۋ كەرەك دەپ سانايمىن»، - دەيدى قازاقستان حالقى اسسامبلەياسىنىڭ الماتى وبلىستىق وكىلدىگى ءتوراعاسىنىڭ ورىنباسارى عابيت تۇرسىنباي.
ايتا كەتسەك، بۇگىن اقوردادا ق ر پرەزيدەنتى نۇرسۇلتان نازاربايەۆ قازاقستان حالقىنا ارناعان ءداستۇرلى جولداۋىن جاريالادى. ستراتەگيالىق قۇجات ەلىمىزدىڭ الەۋمەتتىك- ەكونوميكالىق دامۋىنىڭ وزەكتى ماسەلەلەرىنە جانە قازاقستاندىقتاردىڭ ءال-اۋقاتىن ودان ءارى ارتتىرۋ مىندەتتەرىنە ارنالعان.