تاۋارلار ساپاسىن تەكسەرەتىن ارنايى كوميتەت قۇرۋ قاجەت - ەلباسى

None
None
استانا. قازاقپارات - تاۋارلار مەن كورسەتىلەتىن قىزمەت ساپاسىن جانە قاۋىپسىزدىگىن باقىلاۋ كوميتەتىن قۇرۋ كەرەك.

بۇل تۋرالى بۇگىن اقوردادا قازاقستان حالقىنا كەزەكتى جولداۋىن جاريالاعان ەلباسى نۇرسۇلتان نازاربايەۆ ايتتى، دەپ حابارلادى قازاقپارات ءتىلشىسى.

«ۇلت ساۋلىعى - مەملەكەتتىڭ باستى باسىمدىعى. بۇل - قازاقستاندىقتار ساپالى ازىق- تۇلىكتى پايدالانۋعا ءتيىس دەگەن ءسوز. بۇگىندە حالىقتى ساپاسىز ءارى دەنساۋلىققا جانە ومىرگە قاۋىپ توندىرەتىن تاۋارلار مەن كورسەتىلەتىن قىزمەتتەردەن قورعايتىن تۇتاس ساياسات جوق»، - دەدى ق ر پرەزيدەنتى.

وسى رەتتە ەلباسى ۇكىمەتكە شارالار قابىلداۋدى جانە وسى جۇمىستى رەتكە كەلتىرۋدى تاپسىردى.

«مۇمكىن تاۋارلار مەن كورسەتىلەتىن قىزمەت ساپاسىن جانە قاۋىپسىزدىگىن باقىلاۋ كوميتەتىن قۇرۋ كەرەك شىعار. ەڭ الدىمەن ول ازىق- تۇلىككە، ءدارى-دارمەككە، اۋىز سۋعا، بالالار تاۋارىنا، مەديتسينالىق قىزمەت كورسەتۋگە ساراپتاما جۇرگىزۋدى قامتۋى ءتيىس. ادامنىڭ دەنساۋلىعى وسىلاردان باستالادى ەمەس پە. بۇل ورايدا، تۇتىنۋشىلاردىڭ قۇقىقتارىن قورعايتىن قوعامدىق ۇيىمداردى ينستيتۋتسيونالدى تۇرعىدان كۇشەيتىپ، ولاردى بەلسەندى پايدالانعان ءجون»، - دەدى نۇرسۇلتان نازاربايەۆ.

سوڭعى جاڭالىقتار