نۇرسۇلتان نازاربايەۆ: مەملەكەت ەشكىمگە تەگىن باسپانا بەرمەيدى
«سونداي- اق، حالىقتىڭ الەۋمەتتىك تۇرعىدان ءالسىز توپتارى ءۇشىن ءىرى قالالاردا جالدامالى تۇرعىن ءۇي قۇرىلىسىن ۇلعايتۋ قاجەت. بارلىقتارىڭىزدىڭ الدىندا، بۇكىل ەلگە تاعى دا ايتامىن: قازىر بىزدە باسقا الەم، نارىقتىق ەكونوميكا، مەملەكەت ەشكىمگە دە تەگىن باسپانا بەرمەيدى» ، - دەدى ەلباسى
وسى ورايدا قازاقستان پرەزيدەنتى باسپانا الۋشىلارعا نەسيەمەن، جەڭىلدىكتەرمەن كومەكتەسۋگە بولاتىندىعىن باسا ايتتى.
«ەش جەردە تەگىن پاتەرگە دەگەن قانداي دا ءبىر كەزەك بولماۋى ءتيىس» ، - دەپ ەسكەرتتى مەملەكەت باسشىسى.
ەلباسىنىڭ ايتۋىنشا، مەملەكەتتىك شارالار 250 مىڭنان استام وتباسى ءۇشىن تۇرعىن ءۇي جاعدايىن جاقسارتۋعا مۇمكىندىك بەرەدى.
«بيۋدجەت ەسەبىنەن سالىناتىن جاپپاي قۇرىلىس الاڭدارىنا ارنالعان ينجەنەرلىك ينفراقۇرىلىم جۇرگىزۋدى قوسا العاندا، مەملەكەت بەس جىل ىشىندە 650 مىڭ وتباسىعا نەمەسە 2 ميلليوننان استام ازاماتتارىمىزعا قولداۋ كورسەتەدى» ، - دەدى نۇرسۇلتان نازاربايەۆ.