ەلباسى «اۋىل - ەل بەسىگى»، «سارباز» جانە «ءوز جەرىڭدى تانىپ ءبىل» باستامالارىن كوتەردى
«اۋىلدىق جەرلەردىڭ الەۋمەتتىك ورتاسىن جاڭعىرتۋعا دا كىرىسۋىمىز قاجەت. وسىعان بايلانىستى ارنايى «اۋىل - ەل بەسىگى» اتتى جوبانى جۇزەگە اسىرۋ قاجەت. بۇل ارقىلى قازاقستاندىقتاردىڭ جەرگىلىكتى جەردەگى ەڭبەگىنە قاتىستى يدەولوگيانى قولعا الۋىمىز كەرەك. بۇل اكىمشىلىكتەردىڭ مىندەتى»، - دەدى مەملەكەت باسشىسى.
قازاقستان پرەزيدەنتى سونىمەن قاتار «بويسكاۋت» قوزعالىسى سەكىلدى «سارباز» بالالار- جاسوسپىرىمدەر بىرلەستىگىن قۇرىپ، مەكتەپتەردە اسكەري- پاتريوتتىق تاربيەنىڭ ءرولىن كۇشەيتۋ كەرەكتىگىن اتاپ ءوتتى. بۇل باستاماعا ەلباسى قورعانىس ءمينيسترى اتسالىسار دەگەن سەنىم ءبىلدىردى.
«ءوز جەرىڭدى تانىپ ءبىل» جاڭا باستاماسى اياسىندا ەلىمىزدىڭ وڭىرلەرى بويىنشا مەكتەپ تۋريزمىن جاڭعىرتۋ كەرەك. مادەنيەت جانە سپورت ءمينيسترى بۇل ماسەلەنى قولعا السا - جاس ۇرپاق جىل سايىن ارالاپ قازاقستانىن - وتانىن تەرەڭىرەك بىلە تۇسەدى»، - دەدى پرەزيدەنت.
اۆتور: ايان بەكەن ۇلى