پرەزيدەنت پوليسەيلەردىڭ جالاقىسىن كوتەرۋدى تاپسىردى

 استانا. قازاقپارات - مەملەكەت باسشىسى نۇرسۇلتان نازاربايەۆ ءوزىنىڭ جىل سايىنعى حالىققا ارناعان جولداۋىندا قۇقىق قورعاۋ سالاسىندا وڭتايلاندىرۋ شارالارىن جۇرگىزۋدى جۇكتەدى، دەپ حابارلايدى قازاقپارات ءتىلشىسى.

پرەزيدەنتتىڭ ايتۋىنشا، كەلەسى جىلدان باستاپ قۇقىق قورعاۋ ورگاندارىنىڭ جۇمىسىن جاڭعىرتۋ باعدارلاماسى باستالادى. سونىڭ اياسىندا ىشكى ىستەر ورگاندارىنىڭ شتاتتىق قۇرامى وڭتايلاندىرىلادى. «پوليسياعا قاجەتسىز فۋنكسيالاردى بەرمەۋ كەرەك. ايتپەسە، پوليسيا اندا، پوليسيا مىندا، بۇكىل جەردە پوليسيا. پوليسيانىڭ نەگىزگى مىندەتى - قوعامدىق ءتارتىپتى ساقتاۋ. بولدى. وعان كۇزەت، اناۋ- مىناۋدى ىلمەۋ كەرەك. وسىنى شەشەتىن ۋاقىت بولدى عوي. سوسىن باسشىلار كوپ، 12-15 جوعارى وقۋ ورنى بار. 5 ۋنيۆەرسيەتتى عانا قالدىرۋ قاجەت. ال ۇنەمدەلگەن قارجىعا پوليسەيدىڭ جالاقىسىن كوتەرۋ كەرەك. جەتپەي جاتسا، تاعى كورە جاتارمىز. پوليسەيلەردىڭ باسپانا جانە تاعى باسقا ماسەلەلەرىن شەشۋىمىز كەرەك» ، - دەدى ن.

مەملەكەت باسشىسى نۇرسۇلتان نازاربايەۆ قۇقىق قورعاۋشىلاردى اتتەستاتتاۋدان وتكىزۋدى تاپسىردى، دەپ حابارلايدى قازاقپارات ءتىلشىسى.

«بىزگە پوليتسيانىڭ جۇمىسىن قاتىستى جاڭا تالاپتاردى ەنگىزۋ كەرەك. قىزمەت بابىمەن كوتەرىلۋ جۇيەسىن دە وزگەرتكەن ءجون. ال مامانداردى ىرىكتەۋدى پوليتسيا اكادەميالارى ارقىلى جۇرگىزۋ قاجەت. قۇقىق قورعاۋشىلاردىڭ بارلىعى قايتا اتتەستاتتاۋدان ءوتۋى ءتيىس. وسى جۇمىستا ۇزدىكتەر عانا قالۋى قاجەت. ال اتتەستاتتاۋدان وتپەگەندەر كەتۋى كەرەك. اتتەستاتتاۋدان كەيىن ادام جەتىسپەي جاتسا، باسقالاردى الۋعا بولادى» ، - دەدى ن. نازاربايەۆ جولداۋدى جاريالاۋ راسىمىندە.

وسى ورايدا مەملەكەت باسشىسى حالىقتىڭ پوليسياعا قاتىستى پىكىرىن وزگەرتۋ قاجەتتىگىن جەتكىزدى. قۇقىق قورعاۋشى جازالاۋشى ەمەس، قيىن جاعدايدا كومەك بەرەتىن ادام رەتىندە ءوز ابىرويىن كوتەرۋى شارت. پرەزيدەنت قۇقىق قورعاۋ سالاسىن رەفورمالاۋدىڭ ناقتى جوسپارىن ازىرلەۋدى تاپسىردى.

 ايتا كەتەيىك، الداعى ۋاقىتتا پوليسەيلەردىڭ جالاقىسى كوتەرىلەدى. بۇدان بولەك، قۇقىققورعاۋشىلاردى دايارلاۋ 5  جىلدان 6 ايعا قىسقارۋى مۇمكىن.