كەيبىرەۋلەر مەملەكەت بيۋدجەتىن ءتۇپسىز بوشكە كورەدى - نۇرسۇلتان نازاربايەۆ

None
None
استانا. قازاقپارات - ەلباسى نۇرسۇلتان نازاربايەۆ قازاقستان حالقىنا بيىلعى جولداۋىندا مەملەكەتتەن بولىنگەن قاراجات ءتيىمدى ءارى ماقساتتى تۇردە جۇمسالۋى تيىستىگىن تاعى ەسكەرتتى، دەپ حابارلايدى قازاقپارات ءتىلشىسى.

«تۇركىستان وبلىسىنىڭ ءبىر اۋدانىندا 600 ورىندىق مەكتەپ 600 ميلليون تەڭگەگە سالىنىپ جاتسا، تۋرا سونداي مەكتەپ باسقا جەردە 1 ميلليارد 200 ميلليون تەڭگەگە تۇرعىزىلىپ جاتىر. بۇل قالاي بولعانى؟ ۇكىمەت كەيدە مەكتەپ قاجەتى جوق جەرگە اقشا بولەدى. اكىم نەگە ونداي تالاپ قويادى؟ ال مەكتەپ جەتپەي جاتقان جەرگە اقشا بولىنبەي جاتادى. ۇلتتىق ەكونوميكا مينيسترلىگى بۇعان نەگە جول بەرەدى؟ سەبەبى، ءدال قۇرىلىس الاڭىندا تەر توكپەگەندىكتەن، جاعدايدى ءجىتى بىلە بەرمەيدى. سەن، (ۇلتتىق ەكونوميكا ءمينيسترى تيمۋر سۇلەيمەنوۆ - اۆت. ) قاي جەردە ءۇش اۋىسىممەن بالالار وقىپ جاتقانىن، قاي جەردە مەكتەپتىڭ بارىن ءبىلۋىڭ كەرەك! مەن ءاربىر مينيستر ءۇشىن جۇمىس ىستەۋىم كەرەك پە؟»، - دەدى پرەزيدەنت.

مەملەكەت باسشىسى تيمۋر سۇلەيمەنوۆكە مينيستر بولعانى ءۇشىن قارجىنى ۇنەمدەۋدى ءبىلۋى تيىستىگىن ەسكەرتتى.

«ال سىزدەر ۇنەمدەۋدىڭ ورنىنا شاشپالىققا جول بەرەسىزدەر. كەيدە تاڭعالامىن. كەيبىرەۋلەر بيۋدجەتتىڭ اقشاسىنا ءتۇپسىز بوشكە سەكىلدى قارايدى. ول جەردەن اقشانى الا بەرۋگە بولاتىن سەكىلدى. جىلدىڭ سوڭىندا يگەرىلمەگەن قاراجات ميللياردتاپ قالادى. قاراشا- جەلتوقساندا ول قاراجاتتى وڭدى- سولدى جۇمساپ، بازانى بوساتىپ، كەلەسى جىلى ودان دا كوپ قاراجات العىسى كەلەدى»، - دەدى پرەزيدەنت.

ەلباسى وسىعان بايلانىستى ەسەپ كوميتەتى باقىلاۋدى قاتايتاتىنىن ەسكەرتتى.

ايتا كەتسەك، ق ر پرەزيدەنتى نۇرسۇلتان نازاربايەۆ اقوردادا قازاقستان حالقىنا جولداۋىن جاريالادى. ستراتەگيالىق قۇجات ەلىمىزدىڭ الەۋمەتتىك- ەكونوميكالىق دامۋىنىڭ وزەكتى ماسەلەلەرىنە جانە قازاقستاندىقتاردىڭ ءال- اۋقاتىن ودان ءارى ارتتىرۋ مىندەتتەرىنە ارنالعان.

اۆتور: ايان بەكەن ۇلى

سوڭعى جاڭالىقتار