جولداۋ: عىلىم مەن دەنساۋلىق سالالارىنا قارجىلاندىرۋ ارتادى
«بەس جىلدىڭ بارىسىندا بىلىمگە، عىلىمعا جانە دەنساۋلىق ساقتاۋعا ارنالعان شىعىستاردى بارلىق كوزدەردەن ەلدىڭ جالپى ىشكى ءونىمىنىڭ 10 پايىزىنا دەيىن جەتكىزۋ كەرەك. اسىرەسە، بىزدە عىلىم اقساپ تۇر. سوندىقتان ءتيىستى قادامداردى ىسكە اسىرىپ، بەلگىلەنگەن ماقساتقا قول جەتكىزەيىك» ، - دەدى پرەزيدەنت.
وسى ورايدا ن. نازاربايەۆ بۇل باعىتتا ەكونوميكالىق ىنتىماقتاستىق جانە دامۋ ۇيىمى ەلدەرى ءتيىستى باسىمدىقتاردى قويىپ وتىرعانىن ەسكە سالىپ ءوتتى.
«قارجىلاندىرۋدى بەلگىلەنگەن رەفورمالاردى جۇزەگە اسىرۋعا باعىتتاۋ كەرەك. ولار حالىققا قىزمەت كورسەتۋ ساپاسىن ەلەۋلى تۇردە ارتتىرۋدى قامتاماسىز ەتەدى. ۇكىمەت ءاربىر سالانى ايقىنداۋى ءتيىس» ، - دەدى ەلباسى.
ايتا كەتەيىك، ق ر پرەزيدەنتى نۇرسۇلتان نازاربايەۆ وسى ۋاقىتتا اقوردادا قازاقستان حالقىنا جولداۋىن جاريالاۋدا. ستراتەگيالىق قۇجات ەلىمىزدىڭ الەۋمەتتىك- ەكونوميكالىق دامۋىنىڭ وزەكتى ماسەلەلەرىنە جانە قازاقستاندىقتاردىڭ ءال- اۋقاتىن ودان ءارى ارتتىرۋ مىندەتتەرىنە ارنالعان.