كەلەر جىلى «پەداگوگتاردىڭ مارتەبەسى» تۋرالى زاڭ قابىلدانادى
«كەلەسى جىلى «پەداگوگتاردىڭ مارتەبەسى» تۋرالى زاڭ قابىلداۋ كەرەك دەپ ەسەپتەيمىن. ول زاڭ مۇعالىمدەردى جانە مەكتەپكە دەيىنگى مەكەمەلەردىڭ قىزمەتكەرلەرىن ىنتالاندىراتىن بارلىق تەتىكتەردى قاراستىرۋى كەرەك. جۇكتەمەنى قىسقارتىپ، قىزمەتتەن تىس تەكسەرىستەردەن ارىلتۋ كەرەك. تىڭداڭىزدار، مۇعالىمدەرگە بۇگىنگى تاڭدا بارلىق جۇمىس جۇكتەلە بەرەدى. سايلاۋدى وتكىزەتىن - مۇعالىمدەر، ۇگىت- ناسيحاتتى جۇرگىزەتىن - مۇعالىمدەر، ءبىر شارۋانى اتقارۋ كەرەك بولسا - مۇعالىمدەر... ول ءۇشىن ەشكىم دە ولارعا اقشا تولەپ جاتقان جوق. ولاردى بۇل جۇكتەمەدەن ارىلتۋ كەرەك. ولار ساباققا دايىندالىپ، ءتيىستى ۋاقىتىندا جۇمىس ىستەۋى كەرەك. تىنىمسىز تەكسەرىستەر دە بىتپەيدى. مىنە، زاڭ وسىلاردى توقتاتۋ ءۇشىن كەرەك»، - دەدى نۇرسۇلتان نازاربايەۆ.
ايتا كەتسەك، اقوردادا ق ر پرەزيدەنتى نۇرسۇلتان نازاربايەۆتىڭ قازاقستان حالقىنا جولداۋىن جاريالاۋدا. ستراتەگيالىق قۇجات ەلىمىزدىڭ الەۋمەتتىك- ەكونوميكالىق دامۋىنىڭ وزەكتى ماسەلەلەرىنە جانە قازاقستاندىقتاردىڭ ءال- اۋقاتىن ودان ءارى ارتتىرۋ مىندەتتەرىنە ارنالعان.