نۇرسۇلتان نازاربايەۆ: شەتەلدىڭ كيىمدەرىن ساتىپ الۋدى دوعارۋ قاجەت

None
None
استانا. قازاقپارات - ق ر پرەزيدەنتى نۇرسۇلتان نازاربايەۆ اقوردادا قازاقستان حالقىنا كەزەكتى جولداۋىن جاريالاۋ بارىسىندا يندۋستريالاندىرۋدىڭ باستى مىندەتىن اتادى، دەپ حابارلايدى قازاقپارات ءتىلشىسى.

«يندۋستريالاندىرۋدىڭ باستى باعىتى - ەكسپورت. ۇكىمەت ەكسپورتقا شىعا الاتىن كاسىپورىندارعا قولداۋ جاساۋعا ءتيىس. اسىرەسە، شيكىزاتتى وڭدەۋ سالاسىنا باسىمدىق بەرگەن ءجون. وسى سالاداعى ساياساتقا پرواكتيۆتى سيپات بەرۋ كەرەك. باستى ماقسات - الەمدىك نارىقتارعا شىعۋ»، - دەيدى ەلباسى.

پرەزيدەنتتىڭ ايتۋىنشا، وتاندىق كاسىپورىندارعا حالىق كوپ تۇتىناتىن تاۋارلاردى شىعارۋعا كومەكتەسۋ كەرەك. ءسويتىپ، ىشكى نارىقتى ءوز ونىمدەرىمىزگە تولتىرۋ قاجەت. «مىسالى، قازىر وسى جەردە وتىرعانداردىڭ ۇستىندەگى شەتەلدىك كيىمدەردىڭ ءبارىن الىپ قويسا، تىر جالاڭاش قالاسىڭدار. بىزدە كويلەكتى دە، كوستيۋمدى دە شىعارا الادى. ونداي كاسىپورىندارعا قولداۋ جاساۋ قاجەت. ءوز تاۋارىمىزدى قولداۋ كەرەك. ءوزىم تالاي رەت كورسەتتىم عوي. مەن تەك وتاندىق كوستيۋمدەردى كيىپ جۇرەمىن. ساپاسى شەتەلدىك ونىمنەن ەش كەم ەمەس. ال باعاسى ون ەسەگە ارزان. شەتەلدىك تاۋارلاردى نەعۇرلىم از تۇتىنساق، سوعۇرلىم تاۋەلسىزدىگىمىز مىقتى بولادى»، - دەپ اتاپ كورسەتتى مەملەكەت باسشىسى.

وسى ورايدا پرەزيدەنت وڭدەۋ ونەركاسىبى مەن شيكىزاتتى ەمەس ەكسپورتتى قولداۋعا قوسىمشا 500 ميلليارد تەڭگە ءبولىپ بەرۋدى تاپسىردى. ال ۇلتتىق بانك ەكىنشى دەڭگەيلى بانكتەرگە 600 ميلليارد تەڭگە بولەتىن بولادى. ول اقشا وتاندىق ونىمدەردى شىعارۋ جوبالارىنا جۇمسالادى.

 ايتا كەتەيىك، ق ر پرەزيدەنتى نۇرسۇلتان نازاربايەۆ وسى ۋاقىتتا اقوردادا قازاقستان حالقىنا جولداۋىن جاريالاۋدا. ستراتەگيالىق قۇجات ەلىمىزدىڭ الەۋمەتتىك- ەكونوميكالىق دامۋىنىڭ وزەكتى ماسەلەلەرىنە جانە قازاقستاندىقتاردىڭ ءال- اۋقاتىن ودان ءارى ارتتىرۋ مىندەتتەرىنە ارنالعان.

اۆتور: ارمان اسقاروۆ

سوڭعى جاڭالىقتار