قازاقستاندىقتاردىڭ ءال- اۋقاتىنىڭ ارتۋى نەگىزگى باسىمدىققا اينالۋى ءتيىس
«ۇكىمەت، مەملەكەتتىك ورگانداردىڭ، كومپانيالاردىڭ ءبىرىنشى باسشىلارى جۇمىسقا دەگەن ادىستەرىن وزگەرتۋلەرى ءتيىس. قازاقستاندىقتاردىڭ ءال- اۋقاتىنىڭ ارتۋى نەگىزگى باسىمدىققا اينالۋى ءتيىس. جالپى ىشكى جالپى ءونىم، ينفلياتسيا، بارلىق ماكروەكونوميكالىق كورسەتكىشتەر وزدىگىنەن- اق سيفرلار. بۇل سيفرلارعا قازاقستاندىقتاردىڭ ءومىرىن جاقسارتۋ ءۇشىن قول جەتكىزەمىز. بارلىق اكىمدەر مەن مينيسترلەرگە مۇنى بارلىق ۋاقىتتا ەستە ساقتاپ، باستارىندا ۇستاۋلارىن وتىنەمىن»، - دەدى ەلباسى.
مەملەكەت باسشىسى ءدال وسى پارامەترلەرمەن بارلىق دەڭگەيدەگى بۇكىل باسشىلاردىڭ قىزمەتتەرىنە سايكەستىگىنىڭ دەربەس جاۋاپكەرشىلىگى باعالاناتىندىعىن باسا ايتتى.
«قازاقستاندىقتاردىڭ ءال- اۋقاتى ءبىرىنشى كەزەكتە تۇراقتى تابىس پەن ساپالى ومىرلەرىنە بايلانىستى. ادامنىڭ ءوزى ەڭبەكسۇيگىش بولعان كەزدە تابىسى دا ارتا تۇسەدى. مەن مۇنى ۇنەمى ايتىپ كەلەمىن»، - دەپ ەسكەرتتى نۇرسۇلتان نازاربايەۆ.
پرەزيدەنتتىڭ ايتۋىنشا، ادامعا جۇمىس ورنىن ۇسىنۋ ەمەس، بىلىكتىلىك ماسەلە بولىپ وتىر. بىلىكتىلىك بولماسا وندا ەكونوميكامىزدىڭ ءتۇرلى سالالارىندا ماماندىق تا بولمايدى.
«ەلىمىز بەن استانامىز حالىقارالىق قاۋىمداستىق سەنەتىن جەرگە اينالدى. ءبىز ەۋرازيا ءوڭىرىنىڭ قارجىلىق، ىسكەرلىك، يننوۆاتسيالىق، مادەني ورتالىعى رەتىندە جانە ءوزىمىزدىڭ بولاشاعىمىزدىڭ مەجەسى رەتىندە قامتاماسىز ەتۋ ءۇشىن جاڭا ەلوردامىزدى سالدىق. ول بۇكىل حالقىمىزدىڭ قۋانىشى مەن ماقتانىشىنا اينالدى. حالىق سانى وسى جىلداردىڭ ىشىندە 18 ميلليوننان اسىپ، ءومىر ءسۇرۋ ۇزاقتىعى 72,5 جاسقا دەيىن ارتتى. تاۋەلسىزدىك العان العاشقى جىلدا قازاقستاندا حالىق سانى 14 ميلليوننان اسپايتىن ەدى. ءبىز بەرىك ەكونوميكالىق نەگىز قالىپتاستىردىق»، - دەدى ن. نازاربايەۆ.
وسى ورايدا ەلباسى سوڭعى 20 جىل ىشىندە ەلىمىزگە 300 ميلليارد ا ق ش دوللارىنان استام تىكەلەي ينۆەستيتسيا تارتىلعانىن اتاپ ءوتتى.
«ەل ەكونوميكاسىن وركەندەتۋدىڭ نەگىزى سانالاتىن شاعىن جانە ورتا بيزنەس نىعايىپ كەلەدى. دۇنيەجۇزىلىك بانكتىڭ بيزنەس جۇرگىزۋ جەڭىلدىگى جونىندەگى مالىمەتى بويىنشا قازاقستان 190 ەلدىڭ ىشىندە 36- ورىنعا كوتەرىلدى. ءبىز ءاردايىم سىرتقى قاتەرلەرگە دەر كەزىندە نازار اۋدارىپ، ولارعا دايىن بولا بىلدىك. سوعان بايلانىستى مەن ەلىمىزدى جاڭارتۋ جونىندەگى ءتيىستى باعدارلامالىق باستامالاردى باستادىم. ولاردىڭ جۇزەگە اسىرىلۋى تابىستى دامۋىمىزدىڭ نەگىزگى فاكتورىنا اينالۋى قاجەت. ءبىزدىڭ ستراتەگيالىق ماقساتىمىز 2050 -جىلعا الەمدەگى وزىق دامىعان وتىز ەلدى قاتارىنا قوسىلۋ ەكەنىن بۇگىندە بارلىق قازاقستاندىقتار بىلەدى»، - دەدى مەملەكەت باسشىسى.
اۆتور: رۋسلان عابباسوۆ