ەلباسى: قوعامدىق كەلىسىمدى قامتاماسىز ەتۋ - ول ۇلكەن بايلىعىمىز
«2019 -جىلعى جۇمىستارعا ارنالعان جولداۋدى بۇگىن جاريالايمىن. ءبىز تاۋەلسىزدىك جىلدارىندا سىزدەرمەن بىرگە كوپ جۇمىس اتقاردىق. ەكونوميكاسى قارقىندى دامىپ كەلە جاتقان زاماناۋي پروگرەسسيۆتى مەملەكەت قۇرىپ، بەيبىتشىلىك پەن قوعامدىق كەلىسىمدى قامتاماسىز ەتتىك، بۇل - ۇلكەن بايلىعىمىز. ساپالى ءارى تاريحي ماڭىزى زور قۇرىلىمدىق كونستيتۋتسيالىق جانە ساياسي رەفورمالار جۇرگىزدىك. قازاقستاننىڭ حالىقارالىق بەدەلىنىڭ ارتۋىنا ونىڭ وڭىرلەگى گەوساياسي ءرولىن جوعارىلاتۋ ءۇشىن ەلەۋلى جەتىستىكتەرگە قول جەتكىزدىك»، - دەدى پرەزيدەنت.
وسى ورايدا مەملەكەت باسشىسى وڭىرلىك جانە جاھاندىق پروبلەمالاردى شەشۋ ىسىندەگى جاۋاپتى ءارى قالاۋلى حالىقارالىق ارىپتەس رەتىندە ەلىمىزدى دۇنيەءجۇزى تانيتىنىن اتاپ ءوتتى.
«قازاقستان ت م د جانە ورتالىق ازيا ەلدەرى اراسىندا ەكسپو-2017 حالىقارالىق كورمەسىن وتكىزۋ ءۇشىن الەمدىك قوعامداستىق تاڭداپ العان ءبىرىنشى مەملەكەت بولدى. ءبىز تۇڭعىش رەت ت م د مەملەكەتتەرى اراسىندا ە ق ى ۇ كەڭەسىن وتكىزىپ، ارنايى مالىمدەمە قابىلدادىق. مىنا عاسىردا ەشكىم وسىنداي جيىنعا قول جەتكىزگەن جوق، 57 مەملەكەتتىك باسشىلارى جينالدى»، - دەدى ق ر پرەزيدەنتى.
سونىمەن قاتار ەلباسى بۇكىل الەمدەگى يسلام مەملەكەتتەرىنىڭ باسشىلارىن جيناپ، بىرنەشە رەت قازاقستاندا ۇلكەن جيىندار وتكەنىن ەسكە سالىپ ءوتتى.
ەسكە سالا كەتەيىك، اقوردادا ق ر پرەزيدەنتى نۇرسۇلتان نازاربايەۆتىڭ قازاقستان حالقىنا جولداۋى باستالدى. ستراتەگيالىق قۇجات ەلىمىزدىڭ الەۋمەتتىك- ەكونوميكالىق دامۋىنىڭ وزەكتى ماسەلەلەرىنە جانە قازاقستاندىقتاردىڭ ءال- اۋقاتىن ودان ءارى ارتتىرۋ مىندەتتەرىنە ارنالعان.
«قازاقپارات» حالىقارالىق اقپارات اگەنتتىگى نۇرسۇلتان نازاربايەۆتىڭ قازاقستان حالقىنا جولداۋىنىڭ ماتىندىك ترانسلياتسياسىن تاراتادى.
11:00 جيىنعا ق ر پارلامەنت پالاتالارىنىڭ ءتوراعالارى، دەپۋتاتتار، ق ر ۇكىمەت مۇشەلەرى، ق ر جوعارعى سوتى، كونستيتۋتسيالىق كەڭەسى جانە قازاقستان رەسپۋبليكاسىنىڭ پرەزيدەنتىنە تىكەلەي باعىناتىن جانە ەسەپ بەرەتىن مەملەكەتتىك ورگانداردىڭ باسشىلارى، ۇلتتىق كومپانيالاردىڭ ءبىرىنشى باسشىلارى، ءىرى قوعامدىق ۇيىمدار جەتەكشىلەرى، ب ا ق وكىلدەرى قاتىسۋدا.
اۆتور: رۋسلان عابباسوۆ