ايدار قازىبايەۆ: رەسەيگە سالىنعان سانكسيالار ا ح ق و- نا جاڭا سەرىكتەستەر اكەلۋدە
س. امانجولوۆ اتىنداعى ش ق م ۋ ستۋدەنتتەرىمەن وتكەن كەزدەسۋدە قارجى ورتالىعىنىڭ باسقارۋشى ديرەكتورى ايدار قازىبايەۆ رەسەيگە سالىنعان سانكسيالار ورتالىق جۇمىسىنا ءتيىمدى اسەر ەتىپ جاتقانىن اتادى.
«قارجى ورتالىعىنىڭ قۇرىلعانىنا كوپ بولماسا دا، شەتەلدىك كومپانيالاردىڭ قىزىعۋشىلىعى جوعارى. ۇيىمدى حالىقارالىق ارەنادا مويىنداتۋ ءۇشىن ەل كونستيتۋتسياسىنا دا ءتيىستى وزگەرتۋلەر ەنگىزدىك. سوڭعى كەزدە رەسەي كومپانيالارى ءبىزدىڭ ورتالىق ارقىلى تىركەلە باستادى. سوڭعى سالىنعان سانكسيالار ءبىزدىڭ جۇمىسىمىزعا ءبىرشاما ءتيىمدى اسەر ەتتى. سانكسيا تاۋەكەلىنەن ساقتانعان ينۆەستورلار «استانا» الاڭىن الدەقايدا سەنىمدى ورتا دەپ تانىپ وتىر» - دەدى ايدار قازىبايەۆ.
ول سونداي- اق، اتالمىش ورتالىقتا ۆاليۋتا ەركىندىگى ساقتالاتىنىن، «استانا» سەرىكتەستەرى قازاقستان اۋماعىندا 50 جىلعا كورپوراتيۆتىك سالىعىنان بوساتىلاتىنىن ايتتى.
«وسىنىڭ ارقاسىندا ءبىزدىڭ ورتالىق ماسكەۋ، سانكت- پەتەربۋرگ، ريگا قارجى ورتالىقتارىنىڭ الدىنا شىعىپ وتىر. بولاشاقتا الەمدەگى 50 ۇزدىك قارجى ورتالىعىنىڭ قاتارىنا كىرۋدى جوسپارلاپ وتىرمىز» - دەدى ايدار قازىبايەۆ.
اۆتور: ەسىمجان ناقتىباي