گولوۆكيننىڭ پروموۋتەرى «كانەلومەن» ءۇشىنشى جەكپە- جەكتىڭ كەلىسسوزدەرى تۋرالى ايتتى

استانا. قازاقپارات - قازاقستاندىق بوكسشى گەننادي گولوۆكيننىڭ (38-1-1، 34 ك و) پروموۋتەرى توم لەففلەر ونىڭ مەكسيكالىق ساۋل الۆارەسپەن (50-1-2، 34 كو) وتكىزۋى مۇمكىن ءۇشىنشى جەكپە- جەگى تۋرالى پىكىر ءبىلدىردى، دەپ حابارلايدى Sports.kz.

«ءبىز گولوۆكينگە ءوز تيتۋلدارى ءۇشىن كۇرەسۋ مۇمكىندىگىن بەرۋدى سۇرايمىز، بىزدىڭشە، بۇل دۇرىس. شىن مانىندە، بۇل ەكى بوكسشى ءۇشىن دە ەڭ ۇلكەن جەكپە- جەك. مەن ەريك گومەسپەن بىرنەشە رەت سويلەستىم. ولار دا بۇعان مۇددەلى دەپ ويلايمىن، ويتكەنى بۇل تەك گولوۆكين ءۇشىن عانا ەمەس، «كانەلو» ءۇشىن دە ەڭ كوپ گونورار الۋعا مۇمكىندىك. ولار تەك ۇزدىك بوكسشى عانا ەمەس، سونىمەن قاتار بيلەتتەرى ەڭ كوپ ساتىلاتىندار دا وسىلار. سوندىقتان ولار («كانەلونىڭ» كومانداسى - رەد. ) ءۇشىنشى جەكپە- جەككە قارسى ەمەس. بارلىعى دا ۋاقىتتىڭ ەنشىسىندە. ەكى بوكسشى دا دەمالىستا جۇرگەندە كوپ شارۋانى تىندىرۋعا بولادى. بۇل ايقاستىڭ ءمانى بار، ونى فاناتتار كورگىسى كەلەدى»، - دەدى لەففلەر.