USD 435.1 EUR 493.27
RUB 5.69 CNY 68.63
جاڭالىقتار

ينگۋشەتيادا شەشەنستانمەن تەرريتوريا الماسۋعا قارسىلىق تانىتىپ جاتىر

6 قازان 09:07
:ءبولىسۋ
ينگۋشەتيادا شەشەنستانمەن تەرريتوريا الماسۋعا قارسىلىق تانىتىپ جاتىر

استانا. قازاقپارات - ماگاس قالاسىندا ينگۋشەتيا پارلامەنتىندە شەشەنستان رەسپۋبليكاسىمەن تەرريتوريا الماسۋعا قارسىلىق اكسياسى ءوتىپ جاتىر. «ازاتتىقتىڭ» سولتۇستىك كاۆكاز رەداكسياسىنىڭ حابارلاۋىنشا، اكسياعا جۇزدەگەن ادام قاتىسىپ جاتىر.


Картинки по запросу Ингушетия

26 - قىركۇيەكتە ينگۋشەتيا باسشىسى يۋنۋس- بەك ەۆكۋروۆ پەن شەشەنستان باسشىسى رامزان قادىروۆ قوس رەسپۋبليكا اراسىنداعى شەكارانى بەكىتۋ تۋرالى كەلىسىمگە قول قويعان. كەلىسىمدە ەكى رەسپۋبليكا اراسىندا تەرريتوريا الماسۋ قاراستىرىلعان. قىركۇيەكتىڭ سوڭىندا ينگۋشەتيادا بۇل كەلىسىمگە قارسى نارازىلىق اكسياسى وتكەن. بەلسەندىلەر كەلىسىم ينگۋشەتياعا ءتيىمسىز ەكەنىن ايتادى.

قازاننىڭ 4- كۇنى تاڭەرتەڭ ايماق پارلامەنتى تەرريتوريا الماسۋ كەلىسىمىن ماقۇلدادى. كەلىسىمدى 25 دەپۋتاتتىڭ 17- ءسى قولدادى، ءۇش دەپۋتات قارسى داۋىس بەرىپ، بەس دەپۋتات قالىس قالدى.

BBC ءتىلشىسى ەليزاۆەتا فوحتتىڭ حابارلاۋىنشا، پارلامەنت وتىرىسى كەزىندە قارۋلى ادامدار جينالعان نارازى جۇرتتى تىنىشتاندىرۋ ءۇشىن اۋەگە وق اتتى.

Картинки по запросу Ингушетия

جينالعان جۇرتپەن سويلەسۋگە جەرگىلىكتى دەپۋتاتتار شىققانىمەن، ولار نارازى توپتى ساباسىنا تۇسىرە المادى.

قازاننىڭ 4-ىندە ينگۋشەتيانىڭ كونستيتۋتسيالىق سوتى شەشەنستانمەن تەرريتوريا الماسۋعا قارسىلىق تانىتتى. سوت سايتىندا سوت ءتوراعاسى ايۋپ گاگيەۆتىڭ زاڭ جوباسىنا قاتىستى پىكىرى جاريالاندى. ونىڭ پىكىرىنشە، ينگۋشەتيا زاڭدارىندا رەسپۋبليكا اۋماعىنىڭ ءبىر بولىگىن رەسەيدىڭ وزگە سۋبەكتىسىنە ايماقتىق رەفەرەندۋم وتكىزبەستەن بەرە سالۋعا تىيىم سالىنعان.

بىرەر كۇن بۇرىن ەكسترەميزممەن كۇرەس ورتالىعىنىڭ قىزمەتكەرلەرى ينگۋشەتيا تۇرعىندارىنا پروكۋراتۋرانىڭ رۇقسات بەرىلمەگەن شارالارعا قاتىسۋعا بولمايتىنى تۋرالى ەسكەرتۋ قاعازىن تاراتقانى حابارلانعان. 3 - قازاننىڭ كەشىنەن باستاپ ينگۋشەتيادا ينتەرنەت وشىرىلگەن.

www.azattyq.org

Картинки по запросу Ингушетия


#الةم  
:ءبولىسۋ

اأتور:

novasa

سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات