باقىتجان ساعىنتايەۆ نەمىس ساراپشىلارىمەن بىرگە قوسارلى ءبىلىم بەرۋ جۇيەسىن تالقىلادى
ساراپشىلاردىڭ قاتارىندا شەتەلدىك ينۆەستورلار كەڭەسىنىڭ جۇمىس توبىنىڭ تەڭ ءتوراعاسى، قازاقستان، قىرعىزستان، تاجىكستان رەسپۋبليكالارىنداعى كناۋف كومپانياسىنىڭ ماركەتينگ جانە وتكىزۋ جونىندەگى ديرەكتورى د. پروپپ، ورتالىق ازياداعى گەرمانيا ەكونوميكاسى ءتوراعالىعىنىڭ باسشىسى، ق ر- داعى گەرمانيا ەكونوميكاسى وداعىنىڭ ءتوراعاسى ر. برايتنەر بار.
كەزدەسۋ بارىسىندا كادرلاردى دايىنداۋ مەن قايتا دايارلاۋدىڭ تيىمدىلىگى جوعارى باسەكەگە قابىلەتتى جۇيەسىن ودان ءارى جەتىلدىرۋ، قوسارلى ءبىلىم بەرۋدى ءىس جۇزىندە ەنگىزۋ، وندىرىستەگى جەتەكشىلەردىڭ بىلىكتىلىگىن ارتتىرۋ جانە جالپى قازاقستانداعى كاسىپتىك ءبىلىم بەرۋ جۇيەسىن جاڭعىرتۋ ارقىلى قازاقستانداعى تەحنيكالىق جانە كاسىپتىك ءبىلىم بەرۋدى دامىتۋ ماسەلەلەرى تالقىلاندى.
شەتەلدىك ساراپشىلار گەرمانياداعى كاسىپتىك ءبىلىم بەرۋ سالاسىنداعى تاجىريبەلەرىمەن ءبولىستى. اتاپ ايتقاندا، بونن قالاسىنىڭ كاسىپتىك ءبىلىم جانە وقىتۋ فەدەرالدىق ينستيتۋتىنىڭ عىلىمي قىزمەتكەرى ح. ل. كرەسس قوسارلى ءبىلىم بەرۋدىڭ ارتىقتىلىقتارى، ونى ەلىمىزدىڭ ۇلتتىق ەكونوميكاسىنا ەنگىزۋ مەن ونىڭ ۇلەسىنىڭ تەتىكتەرى تۋرالى ايتىپ بەردى.
ءبىلىم جانە عىلىم ءمينيسترى ە. ساعادييەۆ، ەڭبەك جانە حالىقتى الەۋمەتتىك قورعاۋ ءمينيسترى م. ءابىلقاسىموۆا، ينۆەستيتسيالار جانە دامۋ ءمينيسترى ج. قاسىمبەك، ۇلتتىق ەكونوميكا ءبىرىنشى ۆيتسە- ءمينيسترى ر. دالەنوۆ پەن «اتامەكەن» ق ر ۇلتتىق كاسىپكەرلەر پالاتاسى باسقارما ءتوراعاسىنىڭ ورىنباسارى و. وردابايەۆ اتىنان قازاقستاندىق قاتىسۋشىلار قازاقستاندا قوسارلى ءبىلىم بەرۋدى ەنگىزۋدىڭ قازىرگى جاعدايى تۋرالى ايتىپ، كاسىپتىك ءبىلىم بەرۋدى جاڭعىرتۋ جانە جوعارى بىلىكتى مامانداردى دايارلاۋدىڭ جاڭا دەڭگەيىنە كوشۋدىڭ ماڭىزدىلىعى مەن وزەكتىلىگىنە توقتالىپ ءوتتى.