USD 436.29 EUR 492.83
RUB 5.92 CNY 68.48
جاڭالىقتار

تۇماۋعا قارسى ەكپەنى قازان ايىندا العان دۇرىس- دارىگەر

5 قازان 07:31
:ءبولىسۋ
تۇماۋعا قارسى ەكپەنى قازان ايىندا العان دۇرىس- دارىگەر

پاۆلودار. قازاقپارات - تۇماۋعا قارسى يممۋنيتتىڭ قالىپتاسۋى ءۇشىن ەكى- ءۇش اپتا كەرەك. سوندىقتان قازان ايىنىڭ باسىندا ەكپە العان دۇرىس، دەپ حابارلايدى pavlodarnews.kz.

بۇل تۋرالى وڭىرلىك كوممۋنيكاتسيالار قىزمەتىندە وتكەن باسپا ءسوز ءماسليحاتىندا وبلىستىق قوعامدىق دەنساۋلىق ساقتاۋ دەپارتامەنتىنىڭ باسشىسى يرينا سوروكينا ءمالىم ەتتى.

11 - قازاندا باستالاتىن ەپيدەميالىق ماۋسىم 1 - ءساۋىردىڭ سوڭىنا دەيىن جالعاسادى. بولجامعا سايكەس، قازاقستاندا تۇماۋدىڭ A -H1N1 - ميچيگان، A -H3N2- سينگاپۋر جانە B - كولورادو ۆيرۋس شتاممدارى تىركەلەدى دەپ كۇتىلۋدە. ولاردىڭ ەڭ قاۋىپتىسى «سينگاپۋر» تۇماۋى، سەبەبى بۇل شتاممعا قارسى حالىقتا يممۋنيتەت قالىپتاسپاعان جانە ۆيرۋس تەز تارالۋى مۇمكىن. اتالمىش شتاممدار اعىمداعى ماۋسىمدا قولدانىلاتىن ۆاكسينانىڭ قۇرامىنا ەنگىزىلگەن. A -H1N1 شتاممىنا قارسى ەلىمىزدە حالىقتىڭ 20 پايىزىندا عانا يممۋنيتەت بار» - دەيدى يرينا سوروكينا.

سپيكەردىڭ ايتۋىنشا، 2018 -جىلى جەرگىلىكتى بيۋدجەت قاراجاتىنا رەسەيدە شىعارىلعان «گريپپول+» ۆاكسيناسىنىڭ 58 مىڭ 968 دوزاسى ساتىپ الىنعان. بۇل ماقساتقا 51 ميلليون 580 مىڭ تەڭگە جۇمسالعان. ەكپە وبلىستىق قويمادان ءوڭىردىڭ مەديتسينالىق ۇيىمدارىنا ءجيى اۋىراتىن، سوزىلمالى اۋرۋلارى بار، بالالار ءۇيى، سابيلەر ۇيىندەگى بالالارعا، قارتتارعا، مەديتسينالىق قىزمەتكەرلەر مەن جۇكتى ايەلدەر ءۇشىن جەتكىزىلدى.

«ۆاكسينادان باسقا، ادام كوپ جينالاتىن جەرلەردە جۇرۋدەن اۋلاق بولۋ، قوعامدىق كولىك پەن دالادان كەلگەن سوڭ قولدى سابىنمەن جۋۋ، عيماراتتاردى ءجيى جەلدەتۋ، ءۇيدى ءجيى تازالاۋ، س ۆيتامينى بار تاعامداردى كوبىرەك تۇتىنۋ قاجەت ەكەنىن ەستەن شىعارماعان دۇرىس.

«گريپپول +» شامامەن 1500-2000 تەڭگە تۇرادى. بالالاردى التى ايدان باستاپ ەگۋگە بولادى. كەيبىرەۋلەر ءجيى اۋىرعان جاعدايدا ەكپە الۋدىڭ قاجەتى جوق دەپ ويلايدى. كەرىسىنشە، ەكپە الماعان جاعدايدا بارلىق سوزىلمالى اۋرۋ قوزعالادى. ازىرگە تۇماۋعا شالدىققاندار جوق. جىل بويى وتكىر رەسپيراتورلىق ۆيرۋسقا باقىلاۋ جۇرگىزىلەدى. ادەتتە تۇماۋدىڭ العاشقى وقيعاسى جەلتوقسان ايىندا تىركەلەدى»، - دەيدى سانيتارلىق باس دارىگەر.


:ءبولىسۋ

اأتور:

novasa

سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات