+7 (701) 759 90 19
USD 431.07 EUR 485.51
RUB 5.69 CNY 67.47
جاڭالىقتار

الماتىلىق ستۋدەنتتەر «جانۋار» اتتى موبيلدى قوسىمشاسىن ويلاپ تاپتى

4 قازان 22:05
:ءبولىسۋ
الماتىلىق ستۋدەنتتەر «جانۋار» اتتى موبيلدى قوسىمشاسىن ويلاپ تاپتى

استانا. قازاقپارات - سۇلەيمان دەميرەل اتىنداعى ۋنيۆەرسيتەتىنىڭ ونەرتاپقىشتارى بالالارعا ارنالعان بىرەگەي Zhanuar 4D موبيلدى قوسىمشاسىن ويلاپ تاپتى، دەپ حابارلايدى قازاقپارات ۋنيۆەرسيتەتتىڭ باسپا ءسوز قىزمەتىنە سىلتەمە جاساپ.

ايتا كەتكەن ءجون، بۇگىنگى تاڭدا جوبانىڭ قازاقستاندا بالاماسى جوق. جوبا اۆتورلارىنىڭ پىكىرىنشە، قوسىمشا «رۋحاني جاڭعىرۋ» باعدارلاماسى اياسىندا جۇزەگە اسىرىلىپ، بالالاردىڭ اقىل-پاراساتىن جەتىلدىرۋگە ەداۋىر ۇلەس قوسادى.

Zhanuar 4D - «KZ جاسالعان» تاڭباسىمەن ازىرلەنگەن ءجۇز پايىزدىق وتاندىق ءونىم. بۇل - بالالارعا ارنالعان تانىمدىق كارتوچكالار. جوبانىڭ ماقساتى - بالانىڭ زەيىنىن اشىپ، وي-ءورىسى مەن شىعارماشىلىعىن دامىتۋ. كۇندەلىكتى قارا-الا كىتاپتاردىڭ بەتىن پاراقتاۋ قازىرگى بالالاردى تەز جالىقتىرادى، ال AR تەحنولوگيالاردىڭ كومەگىمەن كەيىپكەرلەرگە جان ءبىتىپ، بالامەن تىلدەسىپ، ماتەريالدىڭ كۇردەلى جاقتارىن ءتۇسىندىرىپ، ءتۇپ- نەگىزىن انىقتاۋعا كومەك كورسەتىلەدى. Augmented Reality (بەينە كورىنىستى 3D گرافيكا ارقىلى شىنايىلاندىرۋ) ءتاسىلى ارقىلى الدەقايدا قىزىق ءارى تۇسىنىكتى، دەگەن پىكىردە ستارتاپەرلەر.

«ەلباسىمىز «بولاشاققا باعدار: رۋحاني جاڭعىرۋ» باعدارلامالىق ماقالاسىندا رۋحاني جانە مادەني قۇندىلىقتاردى ساقتاۋعا ءارى تولىقتىرۋعا شاقىرادى. سونىمەن قاتار، ەلىمىزدە ۇشتىلدىلىك ساياساتتى دامىتۋ كەزەڭىندە ءبىلىم بەرۋ سالاسىنا يننوۆاتسيالىق تەحنولوگيالاردى ەنگىزۋ قاجەتتىلىگى تۋىندادى. ال، قازىرگى تاڭدا باسەكەگە قابىلەتتى جانە پاراساتتى ۇرپاق تاربيلەۋ - قوعامداعى وزەكتى ماسەلەلەردىڭ ءبىرى. وسىلايشا، مەملەكەت باسشىسىنىڭ باسىم تاپسىرمالارى بالالارعا ءبىلىم بەرۋ قۇرالىنىڭ تۋىنداۋىنا تۇرتكى بولدى. ءبىزدىڭ باستاپقى ماقساتىمىز - ويىن قوسىمشاسى ارقىلى بالالاردى ءتىل ۇيرەنۋگە باۋلۋ، سونداي-اق قازاقستاندىق جەتكىنشەكتەردىڭ پاتريوتتىق سەزىمىن وياتۋ»، - دەيدى جوبا اۆتورلارىنىڭ ءبىرى اسەل قابىلبەكوۆا.

جوبانى تولىق جۇزەگە اسىرۋعا ازىرلەۋشىلەرگە جارتى جىلعا جۋىق ۋاقىت قاجەت بولعان. قۇراستىرۋ جۇمىستارىنا وتاندىق انيماتورلار مەن بەلدى IT- ماماندار تارتىلعان.

null

ايتا كەتكەن ءجون، Zhanuar 4D س د ۋ تۇلەكتەرىنىڭ العاشقى ءونىمى ەمەس. 2017 -جىلدىڭ اقپان ايىندا جوبا جەتەكشىلەرى نۇرسۇلتان اجيمۋراتوۆ پەن ازامات تولەگەنوۆ 8-14 جاس ارالىعىنداعى جەتكىنشەكتەرگە ارنالعان ءبىرىنشى IT اكادەمياسىنىڭ تۇساۋىن كەستى. اكادەميا بازاسىندا بالالار روبوتوتەحنيكا، باعدارلامالاۋ، گرافيكالىق ديزاين، بەينەمونتاج، انيماتسيا، ويىن قۇراستىرۋ جانە سايت جاساۋ، 3D مودەلدەۋ جانە ت. ب. كەشەندى كومپيۋتەرلىك ءبىلىم الادى. وسى ۋاقىتقا دەيىن اكادەميا تاربيەلەنۋشىلەرى 12 روبوت ءتۇرىن، 30 بىرەگەي ويىن ازىرلەپ، 600 بەينەروليك مونتاجداپ ۇلگەرگەن.

null

«ەڭ جاس IBM قۇراستىرۋشىسى 13 جاستا، 14 جاسار وقۋشىنىڭ Samoliotik اتتى ويىنى، وعان نەبارى ءبىر اي ىشىندە 4500 اقش دوللارى كولەمىندە قاراجات اكەلگەن، سونىمەن قاتار ا ق ش- تىق 12 جاسار جاس ءوسپىرىم جەكە ويىندارىن قۇراستىرىپ، باعدارلامالاۋدان ءدارىس بەرەدى، - دەپ بولىسەدى جوبا اۆتورلارى.

ونەرتاپقىش توپتىڭ ەندىگى جوسپارى - «كوكونىستەر مەن جەمىس- جيدەكتەر»، «كوسموس»، «قازاقتىڭ سالت-داستۇرلەرى» اتتى بالالاردىڭ اقىل-پاراساتىن دامىتاتىن ءبىرقاتار موبيلدى قوسىمشالارىن قۇراستىرۋ. سونىمەن قاتار وتاندىق تۋريزمدى كەڭىنەن ناسيحاتتاۋ ماقساتىندا «ۆيرتۋالدى قازاق ءۇي» اتتى جوبا الداعى ۋاقىتتا حالىق نازارىنا ۇسىنىلماق. جوبانىڭ كونسەپتسياسىنا سايكەس، كەز-كەلگەن قىزىعۋشى كيىز ۇيگە كىرىپ، VR كوزىلدىرىك ارقىلى 17-18 -عاسىرداعى قازاق قونىسىن تاماشالاي الادى.

ال، Zhanuar 4D تۇڭعىش بالالار موبيلدىك قوسىمشاسىنىڭ تۇساۋكەسەر ءراسىمى الماتى قالاسىنداعى SMART POINT كوۆوركينگ ورتالىعىندا وتەدى.


:ءبولىسۋ

اأتور:

novasa

سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049

مۇراعات