USD 436.29 EUR 492.83
RUB 5.92 CNY 68.48
جاڭالىقتار

دۇنيەجۇزىلىك بانك قازاقستاننىڭ مال شارۋاشىلىعىن دامىتۋعا قارجى بولەدى

4 قازان 21:06
:ءبولىسۋ
دۇنيەجۇزىلىك بانك قازاقستاننىڭ مال شارۋاشىلىعىن دامىتۋعا قارجى بولەدى

استانا. قازاقپارات - دۇنيەجۇزىلىك بانك قازاقستانداعى مال شارۋاشىلىعىن دامىتۋ ءۇشىن قاراجات بولۋگە دايىن، دەپ حابارلايدى قازاقپارات ءتىلشىسى.

بۇل تۋرالى ق ر ۇكىمەتىندە دۇنيەجۇزىلىك بانك وكىلدەرىنىڭ قاتىسۋىمەن وتكەن دوڭگەلەك ۇستەلدە قازاقستانداعى دۇنيەجۇزىلىك بانكتىڭ تۇراقتى وكىلى اتو براۋن مالىمدەدى.

«فەرمەرلەردى جانە بيزنەستىڭ كەيبىر سەگمەنتتەرىن تىكەلەي قارجىلاندىرۋدا سىزدەرگە كومەكتەسە الامىز. باستاپقىدا جارتى ميلليارد دوللارعا كەلىسكەن بولاتىنبىز، الداعى 5 جىلدا جۇزەگە اسىرامىز دەگەن ويدامىن. قاجەتتى قارجىلىق جانە تەحنيكالىق قولداۋ بويىنشا مەملەكەتتەن ۇسىنىس العان سوڭ، قارجىلاندىرۋدىڭ ەگجەي- تەگجەيىن تالقىلاعىمىز كەلەدى. سول كەزدە قارجىلاندىرۋدىڭ نارىقتىڭ ءتۇرلى سەگمەنتتەرىنە قالاي بولىنەتىنى تۋرالى تولىققاندى سويلەسەمىز. ەت وداعىمەن دە وڭىرلەردەگى ءۇي شارۋاشىلىقتارى، مال جەمدەيتىن ورىندار تۋرالى اڭگىمەلەسە الامىز جانە سيىر مەن قوي ەتتەرى بويىنشا باعدارلاما قۇرامىز» ، - دەدى اتو براۋن.

ءوز كەزەگىندە قازاقستانداعى ەت وداعىنىڭ باس ديرەكتورى ماقسۇت باقتىبايەۆ حالىقارالىق ۇيىم بولەتىن قاراجاتتىڭ قايدا جۇمسالاتىنىن ايتتى.

«وعان ءجاي قاراجات ەمەس، جاڭا ءبىلىم مەن جاڭا نارىقتارعا جول اشاتىن مۇمكىندىك دەپ قاراعان ءجون. سوندىقتان، قاراجاتتى ەڭ الدىمەن جەكە فەرمەرلەردى قارجىلاندىرۋ باعدارلاماسىنا جۇمسايمىز. جوسپارىمىزداعى ەكىنشى باعىت - سۋارمالى جەر كولەمىن قوسىمشا ميلليون گەكتارعا ۇلعايتۋ. وسىلايشا، تۇراقتى جەم- ءشوپ بازاسىن جاساي الامىز» ، - دەدى م. باقتىبايەۆ.


:ءبولىسۋ

اأتور:

novasa

سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات