ەلوردادا بالاباقشا تاربيەشىلەرىنىڭ جالاقىسى كوتەرىلۋى مۇمكىن

None
None
استانا. قازاقپارات - ەلوردادا بالاباقشا تاربيەشىلەرىنىڭ جالاقىسىن كوتەرۋ ماسەلەسى قاراستىرىلىپ جاتىر.

بۇل تۋرالى بۇگىن ەلوردا اكىمدىگىندە وتكەن جيىندا ق ر استانا قالالىق ءبىلىم باسقارماسى باسشىسىنىڭ ورىنباسارى گۇلجان ايتجانوۆا ايتتى، دەپ حابارلايدى قازاقپارات ءتىلشىسى.

«جالاقىعا قاتىستى بۇل ماسەلە ءبىلىم جانە عىلىم مينيسترلىگىندە تالقىلانىپ جاتىر. ءقازىر مەكتەپكە دەيىنگى ۇيىمداردىڭ دا، قوسىمشا ءبىلىم بەرۋ ۇيىمدارىنىڭ دا ەڭبەكاقى قورىنا قاتىستى تۇزەتۋلەر جونىندەگى بارلىق ۇسىنىستارى جيناقتالۋدا. شىندىعىندا دا، بالاباقشا تاربيەشىلەرىنىڭ جالاقىسى وتە تومەن جانە ول ساناتقا، شتاتقا بايلانىستى. ءبىز ءوز ۇسىنىسىمىزدى ەنگىزدىك. جالپى، جالاقىعا بايلانىستى ءتيىستى نورماتيۆتىك اكتىلەرگە وزگەرىستەر ەنگىزۋ تۋرالى جيناق جاسالادى»، - دەدى ول.

سونىمەن قاتار، ول بالاباقشاداعى ورىن جەتىسپەۋشىلىگىنە دە توقتالدى.

«مەكتەپكە دەيىنگى ۇيىمداردا ورىن جەتىسپەۋىنە قاتىستى ايتار بولسام، وتكەن جىلى مەملەكەتتىك تاپسىرىستى ورنالاستىرۋ ەسەبىنەن 79 مەكتەپكە دەيىنگى ۇيىم اشىلىپ، ولارعا 9 مىڭ بالاعا مەملەكەتتىك تاپسىرىس بەرىلدى. قازىرگى ۋاقىتتا رەسپۋبليكا بويىنشا 18 مىڭ مەكتەپكە دەيىنگى جەكە ۇيىم جانە 300-دەن استام قوسىمشا مەكتەپكە دەيىنگى ءبىلىم ۇيىمى بار»، - دەدى گۇلجان ايتجانوۆا.

سوڭعى جاڭالىقتار