USD 436.29 EUR 492.83
RUB 5.92 CNY 68.48
جاڭالىقتار

استانادا «رۋحانيات تىرەكتەرى» اتتى كىتاپ كورمەسى اشىلدى

4 قازان 19:15
:ءبولىسۋ
استانادا «رۋحانيات تىرەكتەرى» اتتى كىتاپ كورمەسى اشىلدى

استانا. قازاقپارات - ەلباسى كىتاپحاناسىندا جاقىن ارادا وتەتىن الەمدىك جانە ءداستۇرلى دىندەر كوشباسشىلارىنىڭ VI سەزىنە ارنالعان «رۋحانيات تىرەكتەرى» اتتى كىتاپ كورمەسىنىڭ اشىلۋى ءوتتى، دەپ حابارلايدى قازاقپارات ءتىلشىسى.

كورمەدە الەمدىك دىندەردىڭ قاسيەتتى كىتاپتارى، عىلىمي مونوگرافيالارى، ونەر جانە ساۋلەت تاريحىنا ارنالعان 200-دەن استام ەڭبەك قويىلعان. مازمۇنى مەن جانرى جاعىنان ءارقيلى باسىلىمدار دىندەردىڭ پايدا بولۋى جانە دامۋ تاريحىمەن تانىستىرىپ قانا قويماي، سونىمەن قاتار، ءدىني داستۇرلەردىڭ ۋاقىت جانە كەڭىستىك اياسىنداعى ساباقتاستىعىن دا كورسەتەدى. ۇسىنىلعان اۋقىمدى كىتاپتار جيناعى «رۋحانيات تىرەگى» بولىپ تابىلاتىن الەمدىك جانە ءداستۇرلى دىندەر جونىندە تولىق مالىمەت الۋعا مۇمكىندىك بەرەدى.

«ءاربىر ءۇش جىل سايىن استانامىزدا اسا ىقپالدى ءدىن وكىلدەرىنىڭ باسىن قوسىپ، حالىقارالىق دەڭگەيدە بىرلەسكەن شەشىمدەردى قابىلداۋدى تالاپ ەتەتىن ماسەلەلەردى كۇن تارتىبىنە شىعاراتىن بۇل سەزد - الەمدە تەڭدەسى جوق بىرەگەي فورۋم. الەمدىك جانە ءداستۇرلى دىندەر كوشباسشىلارى سەزىنىڭ تاريحى بويىنشا اۋقىمدى دەرەككوزدەر كەشەنى ەلباسى كىتاپحاناسىندا جيناقتالعان. ەلباسى كىتاپحاناسىنىڭ جيناعىندا رۋحاني مادەنيەتتىڭ شىنايى راريتەتتەرىن قامتيتىن كىتاپتار توپتاماسى ەرەكشە ورىن الادى. الەمدىك جانە ءداستۇرلى دىندەر، فيلوسوفيالىق ىلىمدەر مەن تاجىريبەلەر تاريحى الەمنىڭ كوپتەگەن عالىمدارىنىڭ قىزىعۋشىلىعىن وياتادى. قۇراندار كوللەكسياسى - ەلباسى كىتاپحاناسى مۋزەي جيناعىنىڭ ماقتانىشى. بۇل جيناقتىڭ ەرەكشەلىگى - كورمەگە ۇسىنىلاتىن كىتاپتار اراسىندا كىتاپحانانىڭ سيرەك قورىنداعى XVIII- XIX عاسىرلاردا شىققان ءتۇپنۇسقالىق باسىلىمدار بار. ولاردىڭ باسىم بولىگى ەلباسىمىز ن. ءا. نازاربايەۆقا شەت مەملەكەتتەر وكىلدەرىنەن ديپلوماتيالىق سىي رەتىندە ۇسىنىلعان»، - دەيدى ەلباسى كىتاپحاناسى ديرەكتورىنىڭ ءبىرىنشى ورىنباسارى ءامىرحان راقىمجانوۆ.

كورمەدەگى ءار كىتاپ الەمدىك مادەني مۇرانىڭ اجىراماس بولىگى بولىپ تابىلاتىن ءداستۇرلى يسلام مادەنيەتىنىڭ قايتالانباس بەينەلەرىن قامتيتىن زەرگەرلىك، كوركەمدىك جانە كالليگرافيالىق شەبەر ادىسپەن وڭدەلگەن.

«رۋحانيات تىرەكتەرى» كورمەسى 2019 -جىلعى 30 -قاڭتارعا دەيىن جالعاسادى. ايتا كەتەيىك، الەمدىك جانە ءداستۇرلى دىندەر كوشباسشىلارىنىڭ كەزەكتى سەزى استانادا 10-11 -قازان كۇندەرى وتەدى.

فوتو: vechastana.kz


:ءبولىسۋ

اأتور:

novasa

سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات