+7 (701) 759 90 19
USD 431.07 EUR 485.51
RUB 5.69 CNY 67.47
جاڭالىقتار

استانالىقتار كومىردىڭ قاي ءتۇرىن كوپ ساتىپ الادى

4 قازان 18:13
:ءبولىسۋ
استانالىقتار كومىردىڭ قاي ءتۇرىن كوپ ساتىپ الادى

استانا. قازاقپارات - بۇگىن ەلوردا اكىمدىگى قالا تۇرعىندارى اراسىندا قانداي كومىرگە سۇرانىس جوعارى ەكەندىگىن ايتتى، دەپ حابارلايدى قازاقپارات ءتىلشىسى.

«بىزدە شۇباركول كومىرى كوپ جاعىلادى. ءدال وسى كومىرگە تۇرعىندار اراسىندا سۇرانىس وتە جوعارى. مۇنى ءبىز كومىردىڭ ساتىلىمىنا جۇرگىزىلگەن ساراپتاما ارقىلى بىلەمىز. اعىمداعى جىلدىڭ ماۋسىمىندا وتكەن جىلدىڭ سايكەس كەزەڭىمەن سالىستىرعاندا بۇل قاتتى وتىن ءۇش ەسە كوپ جەتكىزىلگەن. قازىر ۋاعدالاستىق بار، كۇن سايىن استاناعا شامامەن 20 توننا كومىر جەتكىلىزىپ وتىرادى»، - دەدى استانا قالالىق وتىن-ەنەرگەتيكالىق كەشەنى جانە كوممۋنالدىق شارۋاشىلىق باسقارماسىنىڭ ءبولىم باستىعى ماقسات ىسماعۇلوۆ.

سونىمەن قاتار ول استانا اكىمدىگى باسقا دا كەنىشتەردىڭ كومىرلەرىن ەلورداعا جەتكىزۋ جۇمىستارىن جۇرگىزىپ جاتقانىن ايتتى.

«ق ر ينۆەستيسيالار جانە دامۋ مينيسترلىگى بەلسەندى جۇمىستار جۇرگىزىپ، ناتيجەسىندە مايقۇبادان كومىر جەتكىزۋ كولەمى 2 ەسەگە ۇلعايدى. سۇرانىستىڭ جوعارى بولۋىنا بايلانىستى بۇل باعىتتا جۇمىستار جالعاسىپ جاتىر. قاراجىرامەن دە وسىنداي جۇمىستار جۇرگىزۋدەمىز. دەگەنمەن، بۇل كەنىش بىزگە جونەلتىپ ۇلگەرە الماي جاتىر. ال جالپى بىزدە شۇباركول كومىرى وتە تانىمال. ونىڭ بىرنەشە ءتۇرى بار، قالانىڭ ءۇش نۇكتەسىندە ساتىلادى. بۇل كومىردىڭ كۇلى از، جاقسى جانادى. قازىر ءبارى قويىپ جاتقان ارنايى پەشتەرگە جوعارى سۇرىپى جاقسى كەلەدى»، - دەدى ول.

م. ىسماعۇلوۆتىڭ ايتۋىنشا، كومىر باعاسى ەلوردادان دا جوعارى وڭىرلەر بار. ماسەلەن، سولتۇستىك قازاقستان اۋماعىندا قاتتى وتىننىڭ تونناسى 17-20 مىڭ تەڭگەنى قۇرايدى.

ايتا كەتەرلىگى، استانا قالالىق وتىن-ەنەرگەتيكالىق كەشەنى جانە كوممۋنالدىق شارۋاشىلىعى باسقارماسى باسشىسىنىڭ ورىنباسارى باعدات بايسادىقوۆ ەلوردادا 20 تاۋلىككە جەتەتىن وتىن قورىنىڭ بار ەكەندىگىن ايتقان بولاتىن، ال ماقسات ىسماعۇلوۆ كومىر الىپساتارلارىمەن كۇرەس جۇرگىزىلىپ جاتقانىن اتاپ وتكەن.


:ءبولىسۋ

اأتور:

novasa

سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات