حالىق قوشەمەتىنە بولەنگەن «جارالى سەزىم» فيلمىندەگى قانات پەن اراي قازىر قايدا ءجۇر؟
قانشا قيىندىقتى باستان وتكىزىپ، اتا- انالارى قارسى بولسا دا، ماحابباتتارىنىڭ بەرىكتىگىنىڭ ارقاسىندا«الاقانداعىداي» الماتىدا قايتا كەزدەسىپ، قوسىلاتىن اراي مەن قاناتتىڭ سەزىمدەرى سول جىلدارى ناعىز «ماحابباتتىڭ» ەتالونىنا اينالىپ، حالىق قوشەمەتىنە بولەنىپ ەدى. ال قازىر، ارادا 11 جىل ءوتتى، اراي مەن قانات قايدا ءجۇر؟ ولار قازىر كىم؟ - دەگەن سۇراقتاردىڭ جاۋابىن Caravan.kz مەديا پورتالى قاراستىردى.
قانات. بۇل ءرولدى سومداعان بەرىك ارىقبايەۆ. قازىر الماتىنىڭ تۇرعىنى، وتاندىق ارنادا رەجيسسەر بولىپ جۇمىس جاسايدى.
بەرىك «جارالى سەزىمنەن» كەيىن دە ءبىراز فيلمدەرگە ءتۇسىپ ۇلگەرگەن. ءبىر- ەكى رەت ۇلتتىق ارنانىڭ «جايدارمان» ويىندارىندا دا قوناق رەتىندە كورىندى.
ءبىر، ەكى جىل بۇرىن ساعىنعان كورەرمەندەر بەرىكتىڭ سۇحباتىن «ايەل باقىتى» باعدارلاماسىنان كوردى. قازىر بەرىك رەجيسسەر قىزمەتىندە جۇمىس جاساۋدا، ازىرگە اكتەر رەتىندە كورىنگەن جوق.
اراي. قىلىقتى قىزدىڭ ءرولىن سومداۋشى - رەگينا شامگۋنوۆا. رەگينا ودان كەيىن ەشقانداي فيلمدەردە بوي كورسەتپەدى.
فيلمدە دە ازامات ەسىمدى ۇلدى بولاتىن رەگينا، قازىر وتباسىلى، كىشكەنتاي ايسۇلتاننىڭ اناسى. ول قازىر بار ۋاقىتىن ۇلىنىڭ تاربيەسىنە جۇمساپ جۇرگەنىن ايتا كەتتى. اكتريسالىق ونىڭ كاسىبي ماماندىعى بولماعاندىقتان قۋالاماعانىن ايتادى.