+7 (701) 759 90 19
USD 436.29 EUR 492.83
RUB 5.92 CNY 68.48
جاڭالىقتار

جاقىپ اسانوۆ پروكۋرورلاردىڭ بۇرىنعى جانە بۇگىنگى جۇمىسىنىڭ ايىرماشىلىقتارىن اتادى

4 قازان 13:47
:ءبولىسۋ
جاقىپ اسانوۆ پروكۋرورلاردىڭ بۇرىنعى جانە بۇگىنگى جۇمىسىنىڭ ايىرماشىلىقتارىن اتادى

استانا. قازاقپارات - ق ر جوعارعى سوتىنىڭ ءتوراعاسى جاقىپ اسانوۆ پروكۋراتۋرا بۇرىن قالاي جۇمىس ىستەگەنىن، بۇگىن قالاي جۇمىسىن جاڭارتقانىن ايتىپ بەردى، دەپ حابارلايدى قازاقپارات ءتىلشىسى.

«پروكۋراتۋرانىڭ ميسسياسى نە؟» دەگەن سۇراققا جاۋاپتى كوپ ىزدەدىك. ەڭ كۇردەلى جۇمىس تا وسى بولىپ شىقتى. ناقتىلىق بولماي، جاۋاپكەرشىلىك اۋقىمى ايقىندالماعاننان كەيىن ءبىز جۇيەنىڭ سىر بەرە باستاعانىن سەزدىك. قۇشاعىمىزعا سىيمايتىندى سىيدىرۋ - مىنە، ءبىزدىڭ مىندەت وسى دەپ بىلگەن كەزدەر بولدى»، - دەيدى جاقىپ اسانوۆ استانادا ءوتىپ جاتقان «قازاقستانداعى قىلمىستىق سوت تورەلىگىنىڭ بولاشاعى: ىزگىلەندىرۋدەن وزگەرىستەردى باسقارۋعا ءوتۋ» اتتى حالىقارالىق كونفەرەنتسيادا.

ونىڭ ايتۋىنشا، ءبىر كەزدەرى پروكۋرورلار الپىسقا تارتا باقىلاۋشى ورگاننىڭ مىندەتتەمەسىن اتقارعان.

«قاشان، قايدا، نەنى تەكسەرۋ كەرەكتىگىن ءوزىمىز بىلەتىن شاقتار بولدى. پروكۋرورلار ءتىپتى مەكتەپتەگى، بالاباقشاداعى جىلۋ جۇيەسىن تەكسەرىپ، ءتىپتى تەندەر مەن جەكە بيزنەس تۇگىلى مەكتەپ جۋرنالىن تەكسەرىپ تە ءجۇردى. اركىم ءوزىنىڭ فانتازياسىنا قاراي تەكسەرە بەرەتىندىكتەن، جۇمىستىڭ اقىرعى ناتيجەسى كوڭىل قۋانتا قويمايتىن»، - دەيدى ول.

ونىڭ اتاپ وتۋىنشە، كونستيتۋتسياعا ەنگىزىلگەن سوڭعى وزگەرىستەر پروكۋرورلاردىڭ باستى ميسسياسىن ايقىنداپ، «پروكۋراتۋرا تۋرالى» زاڭ قابىلدانعان.

«ەندىگى كەزەكتە پروكۋرور ءوز ەركىمەن بيزنەسكە وڭدى- سولدى تەكسەرۋ جۇرگىزە المايدى. ارينە، ءارتۇرلى جاعدايلار تۋىنداۋى مۇمكىن، ءبىراق تەكسەرۋگە ەڭ الدىمەن باس پروكۋروردىڭ ءوزىنىڭ رۇسقاتى كەرەك. «پروكۋراتۋرا تۋرالى» زاڭ تولىعىمەن جاڭعىرتىلدى. ەندىگى كەزەكتە ول پروكۋراتۋرانىڭ جاڭا كونستيتۋتسيالىق قىزمەتىن پاش ەتە وتىرىپ، كەڭەستىك كەزەڭنەن بەرى جاڭارتىلماعان پروكۋراتۋرالىق جۇيەنى بەكىتتىك. بۇل قۇرىلىم دامىعان ەلدەردىڭ قۇرىلىمىنا وتە ۇقساس»، - دەپ ءتۇيدى جاقىپ اسانوۆ.

ەسكە سالا كەتسەك، اتالمىش حالىقارالىق كونفەرەنسيا ەۋروپالىق وداقتىڭ ءۇشجىلدىق «قازاقستانداعى قىلمىستىق سوت تورەلىگىن جەتىلدىرۋ» جوباسىنىڭ قورىتىندىسىنا ارنالىپ وتىر (EUCJ).

اتالمىش كونفەرەنسيادا سونداي- اق باس پروكۋروردىڭ ورىنباسارى مارات احمەتجانوۆ تۇرمەدەگىلەر سانىن 100 مىڭنان 32 مىڭعا دەيىن قالاي ازايتقانىن ايتىپ بەردى.

اۆتور: ايان بەكەن ۇلى


:ءبولىسۋ

اأتور:

novasa

سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات