ا ق ش يرانمەن اراداعى دوستىق تۋرالى شارتتى بۇزادى
Associated Press اگەنتتىگىنىڭ حابارلاۋىنشا، ۆاشينگتون كەلىسىمنەن ب ۇ ۇ حالىقارالىق سوتىنىڭ ا ق ش- تى يرانعا سالعان سانكسياسىنىڭ ءبىر بولىگىن جويۋعا مىندەتتەگەنىنە جاۋاپ رەتىندە شىقپاق. بۇعان دەيىن ب ۇ ۇ سوتى تەگەراننىڭ شاعىمى ا ق ش يرانعا گۋمانيتارلىق كومەك كورسەتۋ جانە ازاماتتىق ۇشاقتاردىڭ قوسالقى بولشەكتەرىن جەتكىزۋگە قاتىستى سالعان سانكسياسىن جارتىلاي جويۋى ءتيىس دەگەن شەشىم شىعارعان.
مايك پومپەو يراننىڭ ۆاشينگتوندى دوستىق تۋرالى شارتتى بۇزدى دەۋى نەگىزسىز ەكەنىن ايتتى. پومپەو ا ق ش بۇل قۇجاتتى «بىرنەشە جىل بۇرىن- اق بۇزۋ كەرەك ەدى» دەپ بىلەدى.
شارتقا 1953 -جىلى ا ق ش پەن يران اراسىندا وداقتاستىق قارىم- قاتىناس ورناعان كەزدە قول قويىلعان. الايدا، ەكى ەل 1979 -جىلى يراندا يسلام ريەۆوليۋتسياسى بولىپ، تەگەراندا ا ق ش ەلشىلىگىن باسىپ العان سوڭ ديپلوماتيالىق بايلانىستى ۇزگەن. دەگەنمەن، دوستىق تۋرالى شارت رەسمي تۇردە ءالى كۇنگە دەيىن كۇشىندە. تەگەران وسى شارتقا سۇيەنىپ ب ۇ ۇ سوتىنا ا ق ش- تىڭ ۇستىنەن شاعىم تۇسىرگەن.
ا ق ش مەملەكەتتىك حاتشىسى مايك پومپەو يراننىڭ ب ۇ ۇ حالىقارالىق سوتىن «تەرىس ماقساتتا پايدالانىپ وتىرعانىن» مالىمدەدى. ول ا ق ش يران ساياساتىنان قاۋىپ تونەتىنىنە بايلانىستى تەگەرانعا قارسى سانكسيانى قايتا سالۋىنا قۇقىعى بارىن ايتادى.
azattyq.org