پارادان باس تارتقان ماڭعىستاۋلىق قىزمەتشى سىياقى الدى
ماڭعىستاۋ وبلىسى بويىنشا مەملەكەتتىك كىرىستەر دەپارتامەنتى زاڭ باسقارماسىنىڭ جەتەكشى مامانى پ. قىلىشباي 5 مىڭ تەڭگە پارا الۋدان باس تارتقان. ءارى دەرەكتى ۆەدومستۆونىڭ ىشكى قاۋىپسىزدىك باسقارماسىنا ۋاقىتىندا حابارلاعان. وسى ارەكەتى ءۇشىن وعان اقشالاي ىنتالاندىرۋ سىياقاسى بەلگىلەندى.
«پ. قىلىشباي 40 ا ە ك (96200 تەڭگە) مولشەرىندە ءبىر جولعى اقشالاي سىياقىمەن ماراپاتتالدى. بۇل ق ر ۇكىمەتىنىڭ 2015 -جىلعى 30 - جەلتوقسانداعى №1131 قاۋلىسىمەن بەكىتىلگەن سىبايلاس جەمقورلىق قۇقىق بۇزۋشىلىق فاكتىسى تۋرالى حابارلاعان نەمەسە سىبايلاس جەمقورلىققا قارسى ءىس- قيمىلعا وزگە دە جولمەن جاردەمدەسەتىن ادامداردى ىنتالاندىرۋ قاعيدالارىنا سايكەس جاسالعان»، - دەلىنگەن حابارلامادا.
پارا ۇسىنعان ادامعا «قىلمىستىق قۇقىق بۇزۋشىلىق تۋرالى» كودەكستىڭ 367-بابى 1-بولىگىمەن (پارا بەرۋ) كىنالى دەپ تانىلىپ، وعان جازا تۇرىندە 20 ا ە ك مولشەرىندە ايىپپۇل سالىندى.