تارازدا تۇرمە باستىعى مەن جۇرگىزۋشىسى جول اپاتىنان مەرت بولدى

استانا. قازاقپارات - تارازدا بولعان جانتۇرشىگەرلىك جول اپاتىنان قونىس كولونياسىنىڭ باسشىسى مەن جۇرگىزۋشىسى قازا تاپتى. تاعى بەس ادام اۋرۋحاناعا اۋىر جاعدايدا جەتكىزىلگەن، دەپ حابارلايدى ك ت ك تەلەارناسى.

قايعىلى جاعداي بۇگىن تاڭعى 8.00 شاماسىندا بولعان. مەرسەدەس پەن كيا بەتپە- بەت سوعىلىپ، قىزمەتتىك ماشيناداعى تۇرمە باسشىسى مەن جۇرگىزۋشىسى سول جەردە ءتىل تارتپاي كەتكەن. سالوندا بولعان تۇزەۋ مەكەمەسىنىڭ ءتورت قىزمەتكەرى دە ءتۇرلى دەنە جاراقاتىمەن ەمدەۋ مەكەمەسىندە جاتىر.

 ال، مەرسەدەستى تىزگىندەگەن 41 جاستاعى جۇرگىزۋشىنىڭ جاعدايى وتە اۋىر. ونىڭ باۋىرىنا قاتتى زاقىم كەلگەن. جول اپاتىنا دا وسى ازامات سەبەپكەر بولۋى مۇمكىن. ويتكەنى، ول مىنگەن كولىكتىڭ كاپوتى اشىلىپ، الدىن جاۋىپ قالعان. سوندىقتان ماشينا قارسى بەتكە شىعىپ كەتىپ، كياعا سوعىلعان.

 «جاراقاتپەن بەس ناۋقاس ءتۇستى، ونىڭ بىرەۋى ايەل. ەر كىسىلەردىڭ ىشىندەگى بىرەۋى وتە اۋىر حالدە. باۋىرى جاراقاتتانعان. قازىر ونىڭ جاراقاتى تىگىلىپ جاتىر، جاعدايى اۋىر»، - دەپ اتاپ ءوتتى №1 اۋرۋحانا باس دارىگەرىنىڭ ورىنباسارى ساكەن جۇماشيەۆ.