+7 (701) 759 90 19
USD 436.29 EUR 492.83
RUB 5.92 CNY 68.48
جاڭالىقتار

ءۇندىستان، رەسەي جانە ا ق ش سەلفي كەزىندە قازا تاپقانداردان كوش باستاپ تۇر

4 قازان 08:51
:ءبولىسۋ
ءۇندىستان، رەسەي جانە ا ق ش سەلفي كەزىندە قازا تاپقانداردان كوش باستاپ تۇر

استانا. قازاقپارات - ءۇندىستان، رەسەي جانە ا ق ش سەلفي كەزىندەگى وقىس وقيعالار سالدارىنان قازا تاپقاندار سانى بويىنشا كوش باستاپ تۇر.

بۇل تۋرالى سارسەنبى كۇنى CNN تەلەكومپانياسى Journal of Family Medicine and Primary Care باسىلىمىندا جاريالانعان بايانداماعا سىلتەمە جاساپ ءمالىم ەتتى، دەپ حابارلايدى قازاقپارات.

باياندامانى بۇكىل ءۇندىستان مەديتسينا عىلىمدارى ينستيتۋتىنىڭ (AIIMS) مامانى ازىرلەگەن. ول 2011 -جىلدىڭ قازانىنان 2017 -جىلدىڭ قاراشاسىنا دەيىن الەمدە 259 ادامنىڭ سەلفي ءتۇسىرىپ جاتىپ، مەرت بولعانىن انىقتاعان. ءۇندىستاندا وسى كەزەڭدە 159 ادام قازا تاپقان. ودان كەيىنگى ورىنداردا وسى كورسەتكىش بويىنشا رەسەي، ا ق ش جانە پاكىستان تۇر.

باياندامادا اتالىپ وتىلگەندەي، الەمدەگى كوز جۇمعانداردىڭ باسىم بولىگى (%72) - جاسى 30-دان تومەن ەر ادامدار. ايەلدەر ەرلەرگە قاراعاندا كوپ سەلفي جاساعانىمەن، ولار قاۋىپ- قاتەرگە بوي الدىرمايدى. مىسالى، شىڭ باسىندا نەمەسە مۇنارانىڭ ەڭ بيىك توبەسىندە سۋرەتكە تۇسە بەرمەيدى. ونىڭ اۆتورلارى سەلفيگە تىيىم سالىنعان ورىنداردى ۇيىمداستىرۋعا شاقىرىپ جاتىر.


#الةم  
:ءبولىسۋ

اأتور:

novasa

سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات