+7 (701) 759 90 19
USD 431.07 EUR 485.51
RUB 5.69 CNY 67.47
جاڭالىقتار

ەلىمىزدە سوتقا دەيىن تاتۋلاستىرۋ ىسىنە يمامدار تارتىلماق

4 قازان 07:49
:ءبولىسۋ
ەلىمىزدە سوتقا دەيىن تاتۋلاستىرۋ ىسىنە يمامدار تارتىلماق

استانا. قازاقپارات - ەلىمىزدە بيلەر ينستيتۋتىن جاڭعىرتۋ باعىتىندا جوعارعى سوت پەن قازاقستان مۇسىلماندارى ءدىني باسقارماسى بىرلەسكەن جوبالاردى جۇزەگە اسىرۋدى قولعا الماق، دەپ حابارلايدى قازاقپارات ق م د ب باسپا ءسوز قىزمەتىنە سىلتەمە جاساپ.

قازاقستان مۇسىلماندارى ءدىني باسقارماسىنىڭ ءتوراعاسى سەرىكباي قاجى وراز استانادا ق ر جوعارعى سوت ءتوراعاسىنىڭ كەڭەسشىسى ساعاتبەك سۇلەيمەنمەن كەزدەستى.

كەزدەسۋدە جوعارعى سوت ءتوراعاسىنىڭ كەڭەسشىسى باس مۇفتيگە ەلىمىزدە بيلەر ينستيتۋتىن جاڭعىرتۋ بويىنشا بىرلەسكەن جوبالاردى جۇزەگە اسىرۋدى ۇسىندى. اتاپ ايتقاندا، ازاماتتاردى سوتقا دەيىن تاتۋلاستىرۋ، بىتىمگە شاقىرۋ، ارااعايىندىق ءداستۇردى قايتا جاڭعىرتۋ بويىنشا بىرلەسە قىزمەت ەتۋ ماسەلەسى ءسوز بولدى. ساعاتبەك سۇلەيمەن بۇل باعىتتاعى جوبالاردى جۇزەگە اسىرۋدا ءمۇفتيات قىزمەتكەرلەرى مەن يمام- مولدالاردىڭ ىقپالىن ايرىقشا اتاپ ءوتتى.

ءوز كەزەگىندە قازاقستان مۇسىلماندارى ءدىني باسقارماسىنىڭ ءتوراعاسى سەرىكباي قاجى وراز: «حالىقتى بىرلىك پەن ىزگىلىككە، تاتۋلىق پەن مەيىرباندىققا ۇندەۋ - ءمۇفتياتتىڭ نەگىزگى قىزمەتتەرىنىڭ ءبىرى. ءبىز بۇل باعىتتا بىرلەسە جۇمىس جاساۋعا ءازىرمىز. حالىقتى ىمىرا مەن بىتىمگە، ءوزارا كەلىسىمگە شاقىرۋ - ءتۇرلى مەكەمەدە ءتۇرلى ميسسيانى اتقارىپ وتىرعان جەتەكشى تۇلعالاردىڭ اسىل مىندەتى. «ساۋساق بىرىكپەي، ينە ىلىكپەيدى»، - دەگەن ناقىل بار. ءبىز بىرىكسەك، ىزگى ءىس- شارالار مەن يگى جوبالاردى جۇيەلى تۇردە جۇزەگە اسىراتىن بولامىز»، - دەدى.

باسقوسۋدا تاراپتار ق ر جوعارعى سوتى مەن ق م د ب اراسىندا ارنايى مەموراندۋم قابىلداۋعا ۋاعدالاستى. سونىمەن قاتار، جۇرتشىلىق اراسىندا ءتۇسىندىرۋ جۇمىستارىن جۇرگىزۋگە، كونفەرەنسيالار مەن دوڭگەلەك ۇستەل، ارنايى باسقوسۋلار وتكىزۋگە كەلىستى.

ەسكە سالا كەتەيىك، قازاقستاندا تاتۋلاستىرۋ جانە داۋدى سوتقا دەيىن رەتتەۋ شاراسىن قولدانۋ اياسىن كەڭەيتۋ ماقساتىندا 2015 - جىلى ەلباسىنىڭ باستاماسىمەن ازاماتتىق پروتسەستىك كودەكسى قابىلدانعان بولاتىن.

اۆتور: داۋلەت ىزتىلەۋ


:ءبولىسۋ

اأتور:

novasa

سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات