+7 (701) 759 90 19
USD 431.07 EUR 485.51
RUB 5.69 CNY 67.47
جاڭالىقتار

تۇرعىلىقتى جەرى بويىنشا قالاي ونلاين تىركەلۋگە بولادى

3 قازان 22:25
:ءبولىسۋ
تۇرعىلىقتى جەرى بويىنشا قالاي ونلاين تىركەلۋگە بولادى

استانا. قازاقپارات - ق ر ءى ءى م مەملەكەتتىك قىزمەتتەردى كورسەتۋ، ونىڭ ىشىندە تۇرعىلىقتى جەرى جانە ۋاقىتشا بولاتىن جەرى بويىنشا تىركەلۋ ساپاسىن ارتتىرۋ بويىنشا شارالار قابىلداۋدا، دەپ حابارلايدى مينيسترلىكتىڭ باسپا ءسوز قىزمەتى.

حالىققا «ەلەكتروندىق ۇكىمەت» پورتالى ارقىلى تىركەلۋ دە قولجەتىمدى. ءوتىنىم ۇيدەن نەمەسە كەڭسەدەن شىقپاي-اق ونلاين رەجيمدە جولدانادى، ونىڭ ەسەبىنەن ح ك و-عا بارۋعا كەتەتىن ۋاقىت ۇنەمدەلەدى.

تۇرعىن ءۇي يەسىنە ءوتىنىمدى جولداۋ ءۇشىن پورتالعا جەكە كابينەتكە كىرۋ قاجەت، تۇرعىلىقتى جەرى بويىنشا تىركەۋ قىزمەتىن جانە تىركەلگەن مەكەنجايىن (ەلدى مەكەن، كوشە، ءۇي جانە پاتەردىڭ ءنومىرى) تاڭدايدى. بۇدان كەيىن جەكە كابينەتكە تىركەۋدىڭ اياقتالعانى تۋرالى حابارلاما تۇسەدى.

ەگەر، ءوتىنىش يەسى تۇرعىن ءۇيدىڭ يەسى بولىپ تابىلماسا، وعان تۇرعىن ءۇي يەسىنىڭ جەكە كابينەتىنە تۇرعىلىقتى جەرى بويىنشا تىركەلۋگە كەلىسىم الۋ ءۇشىن ءوتىنىم جولدانادى.

وسى جىلدىڭ 9 ايىنا جاڭا فورماتتا، ارتىق قۇجاتتاردى تالاپ ەتۋسىز «ەلەكتروندىق ۇكىمەت» پورتالى ارقىلى 47,5 مىڭ ازامات تىركەلگەن، ونىڭ 29,7 مىڭى - تۇرعىلىقتى جەرىنە، 17,7 مىڭى - ۋاقىتشا بولاتىن جەرى بويىنشا تىركەلگەندەر.

سونداي-اق وسى كەزدە مينيسترلىك تاراپىنان: پورتال ارقىلى بالالاردى تىركەۋ (بالانىڭ تۋۋىن تىركەگەن كەزدە ءبىرۋاقىتتا ول اتا-اناسىنىڭ تىركەلگەن مەكەنجايى بويىنشا تىركەلەدى)، ۇيالى تەلەفونعا حابارلاما جولداي وتىرىپ ۋاقىتشا تىركەۋ مەرزىمىن ۇزارتۋ، پورتال ارقىلى تىركەۋدى جەڭىلدەتۋ ءۇشىن ەلەكتروندىق-سيفرلىك قولتاڭبانىڭ بالاماسى رەتىندە (س م س- حابارلاما) بىررەتىك پارولدى قولدانۋ سياتى ماسەلەلەر پىسىقتالۋدا.


:ءبولىسۋ

اأتور:

novasa

سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات