+7 (701) 759 90 19
USD 431.07 EUR 485.51
RUB 5.69 CNY 67.47
جاڭالىقتار

ادامدى تانۋدىڭ ءتورت ءادىسى

4 قازان 02:18
:ءبولىسۋ
ادامدى تانۋدىڭ ءتورت ءادىسى

استانا. قازاقپارات - ادام ءوزىنىڭ «جامان قاسيەتتەرىن» قانشا جاسىرعىسى كەلسە دە، كەي ادىستەردى ءبىلۋ ارقىلى ونىڭ شىنايى بولمىسىن انىقتاۋعا بولادى.

1. بيلىك ارقىلى سىناۋ. ادام سىزبەن قاتىناستا بولعىسى كەلسە، ءوزىن سىپايى ۇستايتىنى انىق. سوندىقتان دا، جاڭا تانىسىڭىزدىڭ باسقالارمەن قارىم- قاتىناسىن باقىلاڭىز. ەگەر ونىڭ جۇمىس ىستەيتىن قىزمەتكەرلەرى بولسا، ولارمەن قالاي سويلەسەتىنىن باقىلاڭىز.

سونىمەن قاتار، ادامنىڭ قىزمەت كورسەتۋشىلەرمەن (مىسالى، داياشى) قالاي سويلەسەتىنىن كورۋ كەرەك. اگرەسسيۆتى، ارسىز ادامدار وزدەرىنەن تومەن دەپ سانايتىن ادامدارعا ءجيى نەگاتيۆتى جاعىن كورسەتەدى. ەگەر ول داياشىعا دورەكى سويلەسە، ساتۋشىعا نەمەسە جۇرگىزۋشىگە مىنەزىن كورسەتسە، ويلانىڭىز. سەبەبى ۋاقىت وتە ول مىنەزىن سىزگە دە كورسەتۋى مۇمكىن.

2. جاقىندارى تۋرالى سۇراۋ. ونىڭ اتا-اناسى، تۋىستارى جانە دوستارى جايلى سويلەسىڭىز. ونىڭ ولار تۋرالى پىكىرىن تىڭداڭىز. ەگەر ول ءوزىنىڭ جاقىندارى تۋرالى جامان نارسەلەر ايتسا، بولاشاقتا ول توپقا ءسىز كىرگەندە، ءسىز تۋرالى دا سولاي ايتاتىنىنا كۇماندانباڭىز.

3. سىناما شار. ادامنىڭ شىنايى بولمىسىن ءبىلۋدىڭ ءبىر امالى - ونىمەن بىرگە سىناقتان ءوتۋ. ول كۆەست، جۇمىس جوباسى، سپورتتىق ويىن بولۋى مۇمكىن. مۇنداي شارالار كەزىندە ادامدار اشىلادى. ونىڭ كومەككە دايىن نەمەسە دايىن ەمەستىگى انىق كورىنەدى.

4. «قۇپيا بولىپ قالسىن!». جاڭا ادامعا ءوز سەزىمدەرىڭىزدى، ۇيالاتىن نارسەڭىز تۋرالى جانە قۇپيالارىڭىزدى ايتۋعا اسىقپاڭىز. وعان سەنۋگە بولاتىندىعىن ءالى بىلمەيسىز. سوندىقتان، الدىمەن وعان وتە ماڭىزدى ەمەس، ءسىز ءۇشىن اسا اۋىر ەمەس جاعداي تۋرالى ايتىڭىز. سودان سوڭ ونىڭ رەاكسياسىن باقىلاڭىز. ول سىزگە تىلەكتەس بولا ما الدە ادەيى تيگىزە ايتىپ، ەسىڭىزگە تۇسىرە بەرە مە؟


:ءبولىسۋ

اأتور:

novasa

سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات