قازاقستاندىق سپورتشىلار جاسوسپىرىمدەر وليمپياداسىنا اتتاندى

استانا. قازاقپارات - استانادا قازاقستان ۇلتتىق قۇراماسىن 6-18 -قازان كۇندەرى بۋەنوس-ايرەستە وتەتىن جاسوسپىرىمدەر اراسىنداعى Ⅲ جازعى وليمپيادا ويىندارىنا شىعارىپ سالۋ ءراسىمى ءوتتى، دەپ حابارلايدى «SPORTINFORM» ق ر ۇ و ك باسپا ءسوز قىزمەتىنە سىلتەمە جاساپ.

وليمپيادادا قازاقستان اتىنان 57 سپورتشى جارىس جولىنا شىعادى، ولار سپورتتىڭ 22 ءتۇرى بويىنشا كۇش سىناسادى. بيىلعى ءدۇبىرلى دوداعا ۇلتتىق قۇراما وليمپيادا ويىندارى تاريحىنداعى ەڭ ۇلكەن قۇراممەن قاتىسقالى وتىر.

جاسوسپىرىمدەر اراسىنداعى وليمپيادا ويىندارىنىڭ اشىلۋ سالتاناتىندا قازاقستان قۇراماسىنىڭ بايراعىن بيىلعى جاستار اراسىنداعى ازيا چەمپيوناتىندا جەڭىمپاز اتانعان 18 جاستاعى بوكسشى دامير تويباي الىپ شىعادى.

جالپى، جارىسقا 206 ەلدەن 15-18 جاس ارالىعىنداعى 3926 سپورتشى قاتىسادى. وليمپيادادا سپورتتىڭ 32 تۇرىنەن مەدالدار ساراپقا سالىنادى.

ەسكە سالا كەتەيىك، 2014 -جىلى قىتايدىڭ نانجيڭ قالاسىندا وتكەن وليمپيادا ويىندارىنان قازاقستاندىقتار ءۇش التىن، ءبىر كۇمىس جانە ءتورت قولا - جالپى سەگىز مەدالمەن ورالعان بولاتىن.