كوزدىڭ كورۋ قابىلەتىن جاقسارتۋ
كوزدىڭ ءبىر نۇكتەگە ءۇزىلىسسىز قاراپ وتىرۋى - دەنساۋلىققا زيان. جاراتىلىس مۇنداي نارسەگە قارسى. ەرتە مە، كەش پە، كوزىڭىز اۋىراتىن بولادى.
نەگە ادامدار كوزدىڭ كورۋ قابىلەتىن ساقتاۋ تۋرالى ويلامايدى؟ ! وكىنىشتىسى سول، ءبىز قازىرگى ماسەلەلەردى ويلاۋعا تىرىسپايمىز.. .
نەگىزىندە، كوز ناشارلاۋىنىڭ الدىن الۋ مۇلدە قيىن ەمەس. تەك ويلانىپ قاراڭىز. ءسىزدىڭ الدىڭىزدا ەكى تاڭداۋ بار: وتە قاراپايىم قيمىلداردى ورىنداۋ ارقىلى كوزىڭىزدى ساقتاۋ نەمەسە كوزدى كۇتپەي، ماسەلەنى ودان ءارى قيىنداتۋ.
جۇمىس ۇستەلىڭىزدى دۇرىس ورنالاستىرىڭىز
ەڭ ءبىرىنشى كەڭەس. كومپيۋتەرگە دۇرىس وتىرۋدى ويلايتىن ادام از. ەش زاڭدىلىقتى ساقتاماي وتىرا سالىپ، كەيىن ارقا نەمەسە مويىن اۋىرعاندا باسقا جاققا بۇرىلىپ، وسىلايشا، ەكرانعا ودان ءارى جاقىنداي تۇسكەنىمىزدى بايقاماي قالاتىنىمىز بار.
1. مونيتور: مونيتور كوزدەن الشاق ورنالاسۋى قاجەت. مونيتوردىڭ جوعارعى شەتى كوزبەن ءبىر دەڭگەيدە نەمەسە ءسال تومەنىرەك ورنالاسۋى ءتيىس.
2. جارىق بەرۋ: ەكران نەعۇرلىم جارىق بولسا، بولمە دە سوعۇرلىم ساۋلەلى بولۋى قاجەت. كوز اسا قاتتى جارىققا قاراۋعا قابىلەتسىز. سوندىقتان، جارىق ەكران مەن قاراڭعى بولمەنىڭ شاعىلىسۋى كوز بۇلشىق ەتتەرىن شارشاتادى. سول سەبەپتى، مونيتوردان تۇسەتىن جارىق پەن بولمەدەگى جارىقتىڭ ءبىر- بىرىنە ۇيلەسۋىن قاداعالاڭىز.
3. وزگە داق- نۇكتەلەردىڭ بولماۋى: ءسىزدىڭ مونيتورىڭىزدا وزگە جارىق كوزى بولماۋى ءتيىس.
4. تازا ەكران: ەكرانداعى سۇلبانىڭ ساپاسى مەيلىنشە جوعارى بولسا، كوزدىڭ شارشاۋى دا تومەن بولادى. قازىرگى كەزدە مونيتورلاردىڭ ساپاسى وتە جاقسى. الايدا، بارلىعى دا شاڭدى تەز جينايدى دا، قانىقتىعىن جوعالتادى. سوندىقتان، ءار كۇن سايىن ەكرنادى مايلىقپەن ءسۇرتىپ تۇرىڭىز. ەكراندى ءبۇلدىرىپ الامىن دەپ قورىقپاڭىز، ويتكەنى، دەنساۋلىق ماڭىزدىراق!
5. دەنەنىڭ دۇرىس ورنالاسۋى: ورىندىق نەمەسە مامىق ۇستەلگە تىك وتىرىڭىز. وتىرىسىڭىز وزىڭىزگە ىڭعايلى بولۋى كەرەك. ايتپەسە، ءسىز ەكرانعا قاراي ەڭكەيە بەرەسىز، ال بۇل كوزگە تۇسەتىن اۋىرتپالىقتى ودان ءارى كوبەيتەدى. ەگەر ءسىز كومپيۋتەرمەن جۇمىس كەزىندە قانداي دا ءبىر قاعاز قۇجاتتاردى قارايتىن بولساڭىز، وندا قۇجاتتارىڭىزدى جانىڭىزداعى قانداي دا ءبىر تىرەۋىشكە قويىڭىز. بۇل جاعدايدا ءسىز قايتا- قايتا اقپارات الۋ ءۇشىن قاعازعا ءۇڭىلىپ، كوزدىڭ قىزمەتىن اۋىرلاتا تۇسپەيسىز. موينىڭىز دا اۋىرىپ قالمايدى.
ءاربىر 45 مينۋت سايىن ءۇزىلىس
بۇل جاقسى كەڭەس. الايدا، كومپيۋتەرگە وتىرعان سوڭ، ۋاقىتتى تەكسەرىپ جاتاتىن كىم بار؟ ! ستاتيستيكاعا سەنسەك، كومپيۋتەرگە وتىراتىن ادامداردىڭ 90 پايىزى جۇمىس ۋاقىتىنىڭ قاشان بىتەتىنىن انىقتاۋ ءۇشىن نەمەسە ۇيىقتايتىن ۋاقىت بولعان- بولماعانىن ءبىلۋ ءۇشىن عانا ساعاتقا قارايدى ەكەن. كومپيۋتەرگە ءبىر وتىرعان سوڭ، ۋاقىتتى باعامداپ وتىرۋ قيىن. سول سەبەپتى، 45 مينۋت سايىن ءۇزىلىس جاساۋدى قولعا الىڭىز.
كوزگە ارنالعان جاتتىعۋ
ەگەر تەك ءبىر باعىتقا قاراپ جۇمىس ىستەسەڭىز، كوزدىڭ بۇلشىقەتتەرى شارشايدى. سول سەبەپتى، كوزىڭىزدى جۇمىس، جارىقتى وتكىزبەۋ ءۇشىن الاقانىڭىزبەن جابىڭىز. كوزدى بوساڭسىتىپ، قيمىلداتپاڭىز. وسى ارالىقتا، جۇلدىزدى اسپاندى نەمەسە قانداي دا سۋرەت كارتيناسىن كوز الدىڭىزعا ەلەستەتىپ، جاقسى ەموتسياعا بولەنىڭىز. ءتىپتى، شەكسىز قاراڭعىلىققا قاراۋ ارقىلى دا، بۇل جاتتىعۋدى جاساۋعا بولادى. 2-3 مينۋت وتكەن سوڭ، كوزىڭىزدى اشىڭىز. ءسوز جوق، جانارىڭىزدىڭ دەمالىپ قالعانىن سەزىنەسىز.
تەرەزە الدىنا كەلىڭىز دە، كوزدى فوكۋستاندىرۋعا ارنالعان جاتتىعۋعا كوڭىل ءبولىڭىز. تەرەزەنىڭ اينەگىنە ديامەترى 3-5 م م بولاتىن بەلگىنى جاپسىرىپ قويىڭىز دا، وسى بەلگىلەن 30 سانتيمەتردەي الشاق تۇرىڭىز. كوزىڭىزدى سول بەلگىگە سالىپ، كەيىن دەرەۋ تەرەزە سىرتىنداعى ءبىر زاتتارعا بۇرىلىڭىز (باعانا، جارناما، اعاش ت. ب) . ءاربىر فوكۋستاندىرۋ كەزىندە 2-3 سەكۋندقا ايالداڭىز. ءبىراق، ءبىر جاتتىعۋ كەزىندە 30 رەت وسى ءادىستى قايتالاساڭىز، نۇر ۇستىنە نۇر بولارى ءسوزسىز. وسىدان سوڭ، بىرنەشە مينۋت بويى كەز كەلگەن باسقا زاتتارعا نازار اۋدارىڭىز. بۇل كەزدە باسىڭىزدى قوزعاماي، تەك كوزبەن عانا قاراعان ءجون.
دارۋمەندەر
دارۋمەندەر بارلىق اعزاعا، سونىڭ ىشىندە، كوزگە دە كەرەك. ەگەر بالعىن جەمىس- جيدەكتەر مەن كوكونىستەردى جەپ ۇلگەرمەيسىز بە؟ وندا مۋلتيدارۋمەندەردى پايدالانىڭىز.
بۇل ايتىلعان كەڭەستەردىڭ بارلىعى دا وڭاي ورىندالادى! تەك، كۇندەلىكتى زياندى ادەتتەردەن ارىلىپ، ەكران الدىندا ساعاتتاپ وتىرۋدان قاشىپ، كىشىگىرىم ءۇزىلىس ءسىزدىڭ كوز جانارىڭىز ءۇشىن اسا پايدالى. سونداي- اق ويىڭىزدى دا تازارتادى.