الماتىدا تۇماۋعا قارسى ەگۋ ناۋقانى باستالدى

None
None
الماتى. قازاقپارات - الماتى تۇرعىندارى تۇماۋعا قارسى ەكپە قابىلداي باستادى، دەپ حابارلايدى قازاقپارات ءتىلشىسى.

بيىل قالادا دەنساۋلىق ساقتاۋ باسقارماسىنىڭ شەشىمىمەن رەسەيلىك «گريپپول+» ەكپەلەرىن سالۋعا رۇقسات ەتىلگەن. ددسۇ بولجامىنا سايكەس، 2018-2019 -جىلعى ماۋسىمدا الەمدە ا ءتيپتى - ميچيگان جانە سينگاپۋر، ب ءتيپتى - كولورادو شتامدارى تارالادى.

جىلداعى داستۇرگە سايكەس الماتىدا دا 1 -قازاننان باستاپ ەكپە قابىلداۋ ماۋسىمى باستالدى.

 جەتىسۋ اۋدانىنداعى №11 -ەمحانا قىسقى ماۋسىمدا كۇشىنە ەنەتىن تۇماۋعا قارسى اتالعان ەكپەنىڭ 2800 دوزاسىن الدىرعان. بۇگىندە اتالعان ۋچاسكەدە 110 ادام ەكپە سالدىردى.

«ماۋسىم سوڭىنا دەيىن جەتكىلىكتى دەپ 2800 دوزا ەكپە الدىردىق. ونىڭ ىشىندە 110-ىن حالىققا سالىپ ۇلگەردىك. نەگىزى، ەكپە سالۋ مەرزىمى تۇماۋ ماۋسىمىنان ەرتەرەك، قازان- قاراشادا باستالادى. جەلتوقسان ايىنان باستاپ يممۋنيتەتى ءالسىز ادامدار تۇماۋعا شالدىعۋى مۇمكىن. اسىرەسە، بالالار، قاريالار، ادام كوپ شوعىرلانعان جەردە جۇمىس جاسايتىن ازاماتتار تۇماۋ ۆيرۋسىنا ءالسىز كەلەدى. ەكپە سالماس بۇرىن كەلۋشىگە اقپارات بەرەمىز. نە ءۇشىن؟ قالاي سالىنادى؟ قانداي ناتيجە بەرەدى؟ وسىنداي سۇراقتارعا جاۋاپ بەرەمىز. پاتسيەنت مىندەتتى تۇردە الدىن الا تەراپيەۆت قاراۋىنا جىبەرىلەدى. تەراپيەۆتەن رۇقسات بولعان جاعدايدا عانا ەكپە سالىنادى. «گريپپول+» ۆاكسيناسىن سالعان سوڭ تەك 8-12 كۇن وتكەندە عانا يممۋنيتەت پايدا بولادى»، - دەدى اتالعان ەمحانانىڭ ەپيدەميولوگ دارىگەرى رايحان وسپانوۆا.

مامانداردىڭ ايتۋىنشا، اتالعان ەكپەنى 6 ايلىق بالادان باستاپ 60 جاستان اسقان قاريالار دا قابىلداي بەرەدى. ءتىپتى جۇكتىلىكتىڭ 2-3 تريمەسترىندە دە سالدىرۋعا بولادى.

2018 -جىلى وسى ۋچاسكە بويىنشا اتالعان ساناتقا 2822 ادام كىرگەن. ال بىلتىر 2360 ادام ەكپە قابىلداعان.

دارىگەرلەر ەكپەنى تۇماۋمەن اۋىرعان، اسقىنۋدىڭ جوعارى قاۋپى بار ادامدار الۋى ءتيىس دەپ سانايدى. ونىڭ ىشىندە 60 جاستان اسقان، مەكتەپ جاسىنا دەيىنگى بالالار، مەكتەپ وقۋشىلارى، سوزىلمالى سوماتيكالىق اۋرۋى بار ناۋقاستار، وتكىر رەسپيراتورلىق ينفەكسيالارمەن اۋىراتىن ەرەسەكتەر مەن بالالار بار. اتاپ ايتقاندا، برونح دەمىكپەسى، سوزىلمالى بۇيرەك اۋرۋلارى، قانت ديابەتى، مەتابوليكالىق اۋرۋلار، اۋتويممۋندىق اۋرۋلار، اللەرگيالىق اۋرۋلار (تاۋىق اقۋىزىنا اللەرگيادان باسقا)، سوزىلمالى انەميا، تۋا بىتكەن نەمەسە كەيىنگى يممۋندىق جەتىسپەۋشىلىك، ا ق ت ق جۇعۋ جاعدايىندا دا تۇماۋدان ەكپە العان ءجون.

سونداي-اق، ەكپەنى ءوز كاسىبىنە بايلانىستى تۇماۋمەن اۋىرۋ نەمەسە ونى باسقالارعا جۇقتىرۋ قاۋپى جوعارى ادامدار الۋى ءتيىس.

سوڭعى جاڭالىقتار