سابيلەرگە نەگە سۋ بەرۋگە بولمايدى؟
سەبەبى، سۋ - جەردەگى ءومىر كوزى جانە ونىڭ ادام اعزاسىنا پايداسى تۋرالى ءبارىمىز بىلەمىز. ەندەشە، نەلىكتەن نارەستەلەرگە سۋ بەرۋگە بولمايدى؟
1. سۋ تويدىرادى ول اسقازاندى تولتىرىپ، بالادا تويىپ تۇرعانداي سەزىم تۋدىرادى. سول ءۇشىن ءسابي تاماقتان (سۇتتەن) باس تارتىپ، قاجەتتى كالوريانى المايدى. ەگەر وعان ۇنەمى سۋ بەرە بەرسە، ول سالماق جوعالتۋعا نەمەسە قاجەتتى سالماق قوسپاۋعا اكەلەدى.
2. ول سۋدان ۋلانۋى مۇمكىن بالانىڭ ءىشى ءوتىپ جۇرسە، سۋدان ۋلانۋ قاۋپى جوعارىلاي تۇسەدى. سۋ اعزاعا بۇيرەك شىعارا الاتىن مولشەردەن ارتىق كەلسە، ارتىق سۋ اعزالار جازۋشاسىنا ءوتىپ كەتەدى. ول ءتىننىڭ ىسىنۋىنە اكەلەدى. بۇل قاۋىپتى قۇبىلىس، اسىرەسە، ميعا زيان. سۋدان ۋلانۋدىڭ بەلگىلەرى مىناداي: تومەن تەمپەراتۋرا (C 36 جانە ودان تومەن) ، قۇسۋ، كوز اينالاسىنىڭ ءىسۋى، تالما، قاتتى تەرلەۋ.
3. سابيدە ديسباكتەريوز ۇلعايۋى مۇمكىن ءسابي ءومىرىنىڭ العاشقى جىلىندا ومىراۋ سۇتىنەن پايدالى باكتەريالاردى الادى. ەگەر وعان ءاردايىم سۋ بەرە بەرسە، ميكروفلورانىڭ تەپە- تەڭدىگى بۇزىلادى دا، ديسباكتەريوزعا اكەلەدى. زەرتتەۋلەر بويىنشا، 6 ايعا دەيىن تەك ومىراۋ ءسۇتىن ىشكەن بالالار اسقازان- ىشەك جولى اۋرۋلارىمەن وتە سيرەك اۋىرادى ەكەن.
4. سۋدا اۋرۋ جۇقتىراتىن باكتەريالار بولۋى مۇمكىن سابيلەردىڭ يممۋندى جۇيەسى باستاپقى كەزدە وتە ءالسىز بولادى. سىزگە سۋىڭىز تازا بولىپ كورىنگەنمەن، بالا اعزاسىنا جۇقپا شاقىراتىن باكتەريالار ءتۇسىپ كەتۋى مۇمكىن. ەگەر كۇن قاتتى ىستىق بولسا، نە ىستەۋ كەرەك؟ ومىراۋ ءسۇتى %90 داي سۋدان تۇرادى. سوندىقتان، ەگەر بالاڭىز شولدەگەن سەكىلدى كورىنسە، ءسۇتىڭىزدى بەرىڭىز. ول جەتكىلىكتى مولشەردە سۋ الادى جانە جوعارىدا ايتىلعان جاعىمسىزدىقتاردان قورعاۋلى بولادى. بۇل تالاپ تەك باستاپقى 6-ايعا عانا ارنالعان. ودان كەيىن سابيگە سۋ بەرە بەرۋگە بولادى. الايدا، بالا اعزاسىن ۇيرەتىپ، 1 قاسىقتان بەرىپ باستاڭىز.
Massaget.kz