بايان- ولگيدە قازاق فوتوگرافتىڭ كورمەسى ءوتىپ جاتىر

  استانا. قازاقپارات - بايان- ولگەي ايماعىنىڭ ورتالىق الاڭىندا وسى ايماققا قاراستى دەلۇۇن اۋدانىنىڭ تۋماسى، جاس فوتوگراف نۇرجاس نۇربەك ۇلىنىڭ «اسقار تاۋلار اراسىنداعى الەم» اتتى كورمەسى ءوتىپ جاتىر.

تاۋلارتىڭ كەرەمەت ءساتىن فوتوكامەراعا ءتۇسىرۋدى جانى سۇيەتىن فوتوگراف كورمەگە سوڭعى بەس جىلدا تۇسىرگەن 50گە جۋىق سۋرەتىن ۇسىندى.

 

«سۋرەتتەرىمنىڭ كوبىندە تۋعان جەردىڭ تۇمسا تابيعاتى، قازاق حالقىنىڭ سالت- ءداستۇرى، تىنىس- تىرشىلىگى كورىنىس تاپقان. تاعى ءبىر قىزىعى، بۇل وسى ايماقتا العاش رەت ۇيىمداستىرىلعان فوتوكورمە دەپ ايتۋعا بولادى. كورمەنىڭ نەگىزگى ماقساتى تۋعان جەردىڭ سۇلۋ تابيعاتىن، وندا ءومىر ءسۇرىپ جاتقان حالىقتىڭ دالاعا دەگەن سۇيىسپەنشىلىگىن ناسيحاتتاۋ» - دەيدى نۇرجاس نۇربەك ۇلى.

 

جاس فوتوگراف ءوزىنىڭ بۇل سالاداعى قادامىن 2015 -جىلى موڭعوليا فوتوگرافتار وداعى ۇيىمداستىرعان كورمەگە قاتىسۋمەن باستاعان. 2016 -جىلى موڭعوليادا 400 گە جۋىق فوتوگرافتىڭ 2800 دەن استام فوتوسى قويىلعان «موڭعوليا، موڭعوليالىقتار مەنىڭ كوزىممەن» اتتى بايقاۋدا نۇجاستىڭ كوشپەندىلەردىڭ قىسقى ءومىرىن بەينەلەيتىن «موڭعوليا - مەنىڭ وتانىم» توپتاماسى باس جۇلدەنى جەڭىپ العان بولاتىن.

سونىمەن قاتار، 2017 -جىلى نۇرجاس نۇربەك ۇلىنىڭ ەڭبەكتەرى «موڭعوليا فوتوگرافياسى» بايقاۋىندا ۇزدىك 100 جۇمىستىڭ ءبىرى بولدى.

«بايان- ولگەي ايماعىن تالاي رەت اينالىپ شىقتىم. الداعى ۋاقىتتا موڭعوليانىڭ بارلىق جەرىن جانە الەمدەگى ەڭ كوركەم جەرلەردى كورىپ، فوتوعا تۇسىرسەم دەيمىن» - دەيدى جاس سۋرەتشى.

 

baq.kz