ءمايىتحانادا «ءولى» نارەستەگە جان ءبىتتى

  استانا. قازاقپارات - يراندا ءولى دەپ ەسەپتەلىنگەن التى ايلىق سابيگە ءمايىتحانادا جان ءبىتتى، دەپ جازادى Stan.kz اقپاراتتىق اگەنتتىگى.

تاڭعالارلىق جاعداي يراننىڭ باتىسىنداعى ۋرميا قالاسىندا بولدى. جەرلەۋ اگەنتتىگىنىڭ باسشىسى ءامىر ابباس ابەديننىڭ ايتۋىنشا، نارەستە شومىلۋعا جانە جەرلەۋگە دايىندىق كەزىندە تىرشىلىك بەلگىلەرىن كورسەتكەن.

ءمايىتحاناداعى بالانىڭ تىرىلگەنىن كورگەن ابەدين دارىگەرلەر ونىڭ قايتىس بولعانىنا سەنىمدى بولعانىن ايتتى. بۇل جاعدايعا تەك ءمايىتحاناداعىلار عانا ەمەس، ءسابيدىڭ اتا- اناسى تاڭدانىپ، جاعالارىن ۇستادى.

دەسە دە، ءولدى دەگەن ءسابيىنىڭ تىرىلگەنىن ەستىگەن وتباسى تاعدىردىڭ تاڭعاجايىپ سىيىنا ۇلكەن العىس ايتتى.