كەلىنشەك سەمەنت قاپتارىنان توي كويلەگىن تىگىپ الدى
بۇل تۋرالى Daily Mail باسىلىمىنا سىلتەمە جاساپ Stan.kz حابارلايدى.
28 جاستاعى تان ليلي جاڭبىر جاۋىپ تۇرعاندىقتان ەگىن القابىنداعى جۇمىسىنا بارماي، ۇيىندە قالعان. زەرىككەن كەلىنشەك ۇيدەگى جوندەۋ جۇمىستارىنان قالعان قاپتاردان كويلەك تىگۋدى ۇيعارىپتى.
بۇعان دەيىن ول گازەت، ءشوپ، گۇلدەر مەن باسقا دا زاتتاردان كيىم جاساپ كورگەن. سوندىقتان بۇل جولى دا ويى ءساتتى شىعىپ، اينالاسى 3 ساعاتتىڭ ىشىندە كويلەگى دايىن بولىپتى. سونىمەن قاتار ايەل كويلەكتەن بولەك، ۇزىن شلەيف پەن قالپاق جاساپ العان.
تان ليليدىڭ ەرەكشە كويلەكپەن تۇسكەن سۋرەتتەرى مەن ۆيدەوسى قىتايلىق الەۋمەتتىك جەلىلەردە تانىمالدىققا يە بولدى.
«ەگەر مەن ادەمىرەك بولسام، لايكتار مەن قارالىمى كوپ بولار ەدى» ، - دەيدى ول.
تان ليلي ورتا مەكتەپتى ءتامامداماعان. سوندىقتان 18 جاسىنان بەرى وتباسىلىق فەرمادا جۇمىس ىستەپ كەلەدى. ول 2012 -جىلى تۇرمىسقا شىققان. بۇگىندە 1 بالاسى بار.
Stan.kz