19:04, 26 - قىركۇيەك 2018 | GMT +6
ەلباسىنىڭ جارلىعىمەن ءبىرقاتار ەلدەگى قازاقستان ەلشىلەرى تاعايىندالدى
استانا. قازاقپارات - ق ر پرەزيدەنتى نۇرسۇلتان نازاربايەۆتىڭ جارلىعىمەن بەس ەلدىڭ ەلشىسى تاعايىندالدى، دەپ حابارلايدى قازاقپارات اقوردانىڭ باسپا ءسوز قىزمەتىنە سىلتەمە جاساپ.
«مەملەكەت باسشىسىنىڭ جارلىقتارىمەن: قازاقستان رەسپۋبليكاسىنىڭ كاناداداعى توتەنشە جانە وكىلەتتى ەلشىسى اقىلبەك ءابسات ۇلى كامالدينوۆ قازاقستان رەسپۋبليكاسىنىڭ كۋبا رەسپۋبليكاسىنداعى قىزمەتىن قوسا اتقارۋشى قىزمەتىنە؛
قازاقستان رەسپۋبليكاسىنىڭ مەكسيكا قۇراما شتاتتارىنداعى توتەنشە جانە وكىلەتتى ەلشىسى اندريان كوپماعامبەت ۇلى ەلەمەسوۆ قازاقستان رەسپۋبليكاسىنىڭ پاناما رەسپۋبليكاسىنداعى، كوستا- ريكا رەسپۋبليكاسىنداعى، دومينيكان رەسپۋبليكاسىنداعى، يامايكاداعى توتەنشە جانە وكىلەتتى ەلشىسى قىزمەتىن قوسا اتقارۋشى قىزمەتىنە تاعايىندالدى» ، - دەلىنگەن حابارلامادا.