ۇشاق بورتىندا جانعان سمارتفوننىڭ كەسىرىنەن اۋە كەمەسى قۇلاۋعا شاق قالدى

 استانا. قازاقپارات - اۋسترالياعا ۇشىپ بارا جاتقان Qantas اۆياكومپانياسىنىڭ ۇشاعىندا سىنعان سمارتفون جانىپ، بورتىندا ءورت شىقتى، دەپ حابارلايدى قازاقپارات Daily Mall گازەتىنە سىلتەمە جاساپ.

بيزنەس- كلاسس جولاۋشىلارى ۇشاق قونعانعا دەيىن ەكى ساعات بۇرىن جانعان رەزەڭكەنىڭ ءيىسىن سەزگەن. تاسىمالداۋشى وكىلى ءمالىم ەتكەندەي، جولاۋشىلاردىڭ ءبىرى تەلەفونىن ءتۇسىرىپ الىپ، قۇرىلعى ورىندىقتاردىڭ ورتاسىنا قىستىرىلىپ قالادى. يەسى كرەسلونى ورنىنان جىلجىتقان كەزدە سمارفون لاپ ەتىپ جانعان. ابىروي بولعاندا ول جىلدام ءسوندىرىلىپ، دۇرلىككەن جولاۋشىلاردىڭ كوڭىلى ورنىنا ءتۇستى.

«قۇرىلعى سوندىرىلگەن بويدا ۇشقىش جەدەل ورتالىققا حابارلاسىپ، مەلبۋرنعا ۇشۋىن جالعاستىرا بەردى» ، - دەدى باسىلىمعا سۇحبات بەرۋشى.

جولاۋشىلاردىڭ ايتۋىنشا، ەكى جولسەرىك ءورت سوندىرگىشتىڭ كومەگىمەن جالىندى اۋىزدىقتاعان.